الحمد الله رب العالمين انا كويسه وبذاااااااااااااااكر وزهقت...انتم ماسالتوش بس انا برضو بطمنكم عليا.......
نفسي الشهرين دول يعدوا بقى والاقي نفسي خلصت سنه خامسه.....انا والله مش زهقانه من المذاكره ولا الكتب ولا الكلام ده
الحاجات دي بالنسبه لي مابقتشي بتاثر فيا...انا كل اللي بيزهقني المده الطويله اللي بقعد انا والحياه والكتب...
ربنا يعدي يارب الامتحانات على خير عليكم وعليا وعلى اللي لسه هيمتحنوا.............
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
أنا داخله النهارده اكتب بوست اتمنيت اكتبه من زمان واتمنيت اكتبه كل يوم عشانه بخصوص حد بعزه جدا جدا
عنوان البوست(ذكرى مدرسَه) وده بخصوص اجمل حد بحبه وبعزه مدرسه الاحياء اللي كانت بتديني في السعوديه...
انا فاكره والله اول مره شفتها فيه طبعا وبلا فخر انا اول انطباع باخده عن اي حد بيبقى انطباع غلط ومش عارفه ليه؟؟
ماكنتش عارفه هي رخمه ولا هاديه ولا كئيبه ولا خنقه ولا سوسه ومش باين...؟؟؟؟بس الغريب اني عمري ماشفت فيها حاجه كويسه ابدا....(دي مشكلتي اللي نفسي اغمض عيني وافتح ومالاقيهاش فيا)...
الايام عدت واكتشفت انها اطيب وانقى قلب ممكن حد يقابله ويحبه من كل قلبه ويتمناله كل الخير..
ومتهيالي مش انا لوحدي اللي كنت بحبها...مش لاقيه حد ماكانشي مابيحبهاش..انا داخله المدونه النهارده عشان اتكلم عنها...
البوست ده مفروض كان يبقى اول بوست اكتبه في المدونه بجد.....قد ايه بجد الانسانه دي وقفت معايا...
لو قلتلكم انها كانت اختي فهي اكتر،لو قلتلكم كانت صاحبتي فاكيد اكتر،لو قلت انها كانت مدرستي فبرضو اكتر...
عارفين انا ماكنتش بصدق ان انا استاهل كل اللي بتعمله معايا.....اتمنيت كتير اوي اني كنت اقابلها قبل كدا...
ايام ثانويه عامه وستريس الامتحانات كانت دايما واقفه معايا ولازم تكلمني وتهديني ونهزر ونضحك
بعدها تقلب جد وتزعقلي.....قبل ماادخل اللجنه الاقيها جايه وتهزر معايا وتتنرفز اوي لو شافت كتاب في ايدي...
تقولي اني هتموتي وانت في ايديكي كتاب...حرام عليكي....وتقرالي الادعيه وتفضل واقفه لغايه ماادخل....
اطلع الاقيها مستنيه بره ومعاها مدرسه الماده عشان تراجع معايا اجاباتي....
اكتر حاجه فرحتني بجد لما سمعت كلمه مبروك منها....كانت أهم حد يكلمني ويباركلي .....
انا كنت حاسه انها كانت فرحانه اكتر مني....
اكتر حاجه مزعلاني اني مشيت من السعوديه اني مش هشوفها تاني..واجمل هديه بجد وصلتني كانت منها.....
وكانت دايما تقولي ايه يعني تسافري مصر مش بعيده كلها ساعتين طياره ليه مسمياها سفر؟؟؟؟
احنا الحمد الله مازالت علاقتنا بس في حدود التلفونات بس...انا بجد بتمنى اشوفها تاني
وفاكره دايما لما كانت تقولي انها هتحضر فرحي...وانا مااصدقهاش واقولها استحاله
تقولي هاجيلك قبلها لانها اصلا هتزور مصر عشان جوزها بيعمل ماجستير هنا....
ـــــــــــــــــــــــــــــ ـــــــــــــــــــــــــــــــــــــــــــــــــ ــــــــــــــــــــــــــــــ
المهم تقولي ريحيني وريحك نفسك وانا اجوزك اخويا...
انا عملت حاجات كتير عشان كل اجازه اقدر اشوفها بس ماعرفتش ولا مره
كنت دايما بدعيلها تتجوز الانسان اللي بتتمناه وبتحلم بيه وربنا كرمها الحمد الله
وكلمتها بعدها قالتلي انها سعيده ومش عايزه حاجه تاني اكتر من كدا.....
بس ربنا مابيديش كل حاجه ودي دايما الجمله اللي بيتبقى دايما قالقاني
ربنا اداها حب الناس وحب جوزها ليها وقبل ده كله اكيد ربنا بيحبها عشان كدا حبب فيها كل الناس دي...
بس لحكمه من عنده ماادهاش اطفال.....انا حاسه جدا بيها حتى لو مااشتكتشي واخر مره عرفت ان استمرار حياتها مابقاش اكيد
بسبب ده عرفت وقتها ان الحب مش كل حاجه؟؟؟
وده سبب اني كتبت البوست حالا..............
برجوكم جميعا اي حد يقرأ البوست النهارده يكمله للاخر ويدعيلها ربنا يرزقها بالاولاد اللي يعوضوها ,ويملوا عليها حياتها...........
وشكرا ليكم كلكم
ـــــــــــــــــــــــــــــــــــــــــــــــــــــــــــــــــــــــــــــــــــــــ
(استودعكم الله جميعا الذي لاتضيع ودائعه)
هناك 42 تعليقًا:
رومانسى
محتاج االى يدعيله
ان شاء الله ربن هيرزقها الخير
طالما بتعامل ضميرها فى شغلها
ربنا ينجحك ويشرح لكى صدرك بأزن الله تعالى
وترجعلنا بأعلى درجه
ربنا يرزقها ويرزقنا جميعا الذرية الصالحة
ويارب امتحاناتك تعدي على خير
والله ظلمانا,
ليه بتقولي ان محدش سأل,
طب والله انا مكنت اعرف انك كاتبه بوست وكنت داخله مخصوص اسأل عليكِ,
يلا الحمد لله انك بخير,
ووالله فكرتيني بايام السعودية والحبايب هناك,
ياليتها تعود يوما,
ربنا يجمعك بمدرستك دنيا وآخرة في الجنة ان شاء الله,
وربنا يرزقها بالذرية الصالحة عن قريب,
طمنينا عليكِ على طول,
سلام.
اللي حكيتيه عنها
يخلينا ندعيلها ان ربنا يكرمها
ويديها كل اللي بتتمناه
دمتي بكل خير
ودام الود بينكم
تحياتي
ياااااا فكرتينى بمدرس الفرنساوى بتاع ثانوى
هو مكنش من مدرستى بس كنت باخد عنده درس
كان اخ واب ومدرس
على مر السنين اللى فاتو عديت كذا مرة من عند الجراج اللى كان بيركن فيه العربية لكن للاسف معرفتش اوصله
...............تقبلى تحياتى ومرورى
السلام عليكم و رحمة الله و بركاته
د / منار
بداية أسأل الله أن يوفقك فى امتحاناتك
ثانيا تحب اهنيك على وفئك لمدرستك ..فيه ناس كثير بتنسى اللى بيساعدها و بتتنكر ليه و لكن الوفاء من صفات المؤمنين
ثالثا أحيى هذه المدرسة على إخلاصها فى عملها و على حسن خلقها
رابعا أسأل الله العظيم رب العرش العظيم أن يعجل لها بذرية صالحة و ان يكتب لها الخير كله
أخيرا
بارك الله فيك
تقبلى تحياتى
ايه ده ؟؟؟؟؟
فين التعليق بتاعى ؟؟؟؟
هو أنا معلقتش ولا ايه ؟؟؟
بس أنا متأكد انى علقت هنا
يظهر ان فيه مشكله فى التعليقات
عموما أنا جيت أشوف ردك على تعليقى لكن يظهر ان فيه مشكله
عموما أنا بسجل لتانى مره
وبدعى من كل قلبى يا رب ترزقها وكل المسلمات بالذريه الصالحه يارب العالمين
تحياتى
السلام عليكم
ادى ايه بوست اكثر من رائع
اد ايه مشاعر حلوه وجميله بجد كنت قربت اعيط حقيقى اد ايه اللى بيفضل هو حب الناس لبعضيها مش عارف اقولك ايه الحب فى الله شئ رائع لانه بلا اى مصالح وفى الاخر اتمنى انى حبكما لبعض يدوم وانى ربنا يرزقها بالذريه الصالحه اللهم امين
الله يفرح قلبها ويرزقها الخلف الصالح
ويسعدها .. ويسعدك ياقمر
ويجزاكي خير عشان خليتي الناس تدعي لها
اولا بسم الله
الصراحة من كتر كلامك عليها حببتينا فينا
ربنا يكرمها ويكرمنا ويرزقها الذرية الصالحة
ويجمعكم ويجمعنا مع بعض فى الجنة باذن الله
ان شاء الله هييجى اليوم اللى تشوفيها فيه مبسوطة وشايلة ولادها وجايالك
ربنا يمهل ولا يهمل
وتحياتى اليكى
وتسلمين
السلام عليكم
هو تعليقى مش بيظهر ليه
مشاعر حلوه وفياضه تدل على صدقها
واد ايه احنا مفتقدين الحب اللى بجد مش حب المصالح
تحياتى
romancy
ربنا معاك يارب ان شاء الله
وربنا يتقبل منك ان شاء الله
ادم المصري
ربنا يستجيب يارب
ودايما منورني
واعذرني على قله التعليق عندك
ودمت بخير
mannnnosh
ربنا يخليكي ليا ياحبيبتي
وتفضلي علطول كدا اجمل قلب
salma mohamad
حصل خير ياجميل
انا بهزر معاكم في الاول بس ومش ظلماكم ولا حاجه
يارب تكوني كويسه علطول
ودايما بخير
ابو العريف
شفت انت من الكلام بس حبيتلها الخير
لانها فعلا تستاهل كل خير
وانت قلبك ابيض وان شاء الله تتقبل دعوتك
well
اسعدني مرورك الدائم عندي
ادامه الله وادامك بخير
dr-ali khamis
اول زياره لمدونتي المتواضعه
يارب البوستات تكون عجبتك
ودايما ان شاء الله
ربنا يرزقها باولاد ويكرمك بالتفوق
تحياتى
الشاعر الحزين
علاء منورني دايما
وحمدالله على السلامه بعد الغيبه الطويله
يارب تكون كويس يارب
osama44
تسعدني جدا الزياره الاولى
يارب ماتكون الاخيره
كلامك اسعدني جدا جدا وتقبل الله منك
وحضرتك مشاعرك اجمل بكتير
ادام الله هذه النفس الطيبه
ساره
دايما بستنى تعليقات
انتي تجنني وربنا يكرمك يارب
ويحققلك كل اللي تتمنيه
ريحانه الاسلام
يارب يسلمك ليا يارب
ويتقبل منك
الف شكر لكل اللي علق عندي
البوست ده بجد يهمني جدا
ربنا يكرمكم يارب كلكم
وان شاء الله اقدر اكون عملت حاجه تسعدها وارد لها حاجه بسيطه..
ربنا يكرمنا يارب كلنا
ويحقق لينا كلنا اللي بنتمناه
ولقائنا في بوست جديد بيكم وليكم
يارب يارب ان شاء الله ربنا يرزقها بالطفل اللي يبسطها
يارب ان شاء الله
وفعلا ياريت تركز هي كمان على الدعاء اوي اوي
وربنا معاها يارب
وانتي بقى
شدي حيلك يا دكتوووووووورة وربنا يعدي فترة الامتحانات على خير
معلش هي بتبقى فترة رخمة بس اهو وقت وبيعدي وبنلاقي نتيجة تعبنا ده في الاخر
:) peeace
miro el niro kwanirooo
كراكيب
ميرو منوراني علطول
وربنا معانا كلنا
peeeace
بسم الله الرحمن الرحيم
والسلام عليكم
أتمنى لحضرتك التوفيق دكتورة منار
وجميلة جدا حالة الوافاء اللي انتي عايشاها مع أستاذتك والتزامك الأدبي بذكر ذلك
بارك الله فيكي
والله تعالى نسأل التوفيق لي ولكم
في حفظ الله
بوست هايل فعلا
بيبين وفائك وحبك للإنسانه دي
وربنا يارب يديم الاحساس ال في قلوبكم ده دايما
وفعلا الدنيا مش دايما بتدينا كل حاجه
لحكمة يعلمها الله وقد يكون تأخير لأجل ايضا في علم الغيب
ربنا يارب يرزقها الذرية الصالحة ويقر عينها بولد لها يكمل فرحتها وسعادة دنياها ويكون لها عون وسند ف الدنيا والاخرة اللهم آمين يارب هي وسائر المحتاجين للدعاء
دمتي بألف خيررر
تحياتي ,,,,
مبروك اللوك الجديد
ذوقك رقيق يا منار
بسم الله الرحمن الرحيم
وحشينى أوى يا منورة بجد مفتقداكى جدا
والله أول ما قريت البوست بدعيلها كتير ربنا يسعدها ويرزقها الذرية الصالحة ومش يحرمها أبدا
وانا زعلانة أوى على العصفورة أثرت فيا بجد
ربنا يعوضك عنها يا منار
خدى بالك من نفسك ومن امتحاناتك بدعيلك ع طول يا حبيبتى ربنا يسهلها عليكى يارب وعلينا كلنا
اولا جميل اوي النيو لوك :)
ثانيا بقي
ربنا معاكي ياااااااااااارب في امتحاناتك
البوست عجبني اوي
حلو اوي لما نتأثر بحد معين في حياتنا ونكتب عنه ..:)
قلم رصاص
وعليكم السلام ورحمه الله وبركاته
مرسي اوي على دعوات حضرتك
وربنا يبارك فيك
قلب ارهقته الاحلام
متهيالي اول مره تعلقي عندي
انا عن نفسي فرحانه جدا
ويارب دايما واتمنى اللي بكتبه يعجبك فعلا
romancy
الله يبارك فيك
يارب النيو لوك يكون عجبكم كلكم
rose angle
مروه سامي
انتي كمان بجد والله وحشااااني جدا جدا
واعذريني يوم الامتحان ماعرفتش اكلمك كتير
يارب انتي كمان تذاكري الباطنه كويس
وباذن الله لينا كلام كتير بعد الامتحااان
هاجر زعبل
وحشتيني جدا والله
ووحشتني بوستاتك الجميله
انتي خلصتي امتحانات ولا لسه؟؟؟
اتمنى لك التوفيق يارب
ربنا يوفقك في امتحاناتك يارب يا منار
معلش الامتحانات بتبقى خنقة بس بتعدي
بالنسبة للمدرسة بتاعتك ربنا يكرمها ويرزقها بالذرية الصالحة
وبجد جميل اوي ان حد يبقى حاسس بالامتنان لحد حبه ووقف جنبه ودي حاجه بقت نادرة اليومين دول
سعيدة انك بتزوري مدونتي وانها عندك في الفيفوريت
وسعيدة كمان اني عرفت مدونتك الجميلة
بسم الله
والله العظيم كلامك جميل قوى
بيفكر الواحد باعز ناس كانت ليه فى يوم
وكانوا بيقفوا جنبه
ومبقاش يشوفهم
كلام حلو قوى
وبالذات لانه طالع من القلب
والمدونه اجمل بجد
ويا رب يرزقها ربنا باطفال
يا رب امين
lady E
كلامك بجد عجبني جدا جدا
وانا حاطه مدونتك في الفيفورت اللي عندي لانها بجد تستاهل..عجبني اوي اخر بوست منزلاه
ويارب علطول
THE ILLUSIONIST
سعيده جدا جدا باول زياره
ومتشكره جدا على الكلام الراائع يارب يكون ده بجد
وبدون حلفان انا مصدقاك...
ربنا يكرمك دايما يارب
إرسال تعليق