الخميس، 26 مارس 2009

بنات تلاته......


ممكن نقابل ناس كتير اوي في حياتنا...نحبهم ويحبونا

بس للاسف العلاقه بتقف لحد كدا وبنبقى زمايل...

والأجمل بقى..

اننا نلاقي ناس كدا ونحبهم ويبقوا اصحابنا اوي..

ده اللي حصل معايا..

انا للاسف مش من السهل اوي اعرف حد واثق فيه

انا عارفه انه عيب فيا....بس انا دايما ماعنديش ثقه في الناس

مع ان الناس مش وحشه اوي كدا واكيد الناس دي احسن مني في حاجات كتير..

بس انا حظي كدا مع الناس..

كل ماعرف حد لازم يعمل حاجه او موقف معين اندم فيه ميت مره اني عرفت شخص كدا..

المهم...ان انا اخيرا ربنا كرم عليا...

الكلام النهارده عن اتنين من اصحابي

(ليالي) و(لارا)

طبعا دول مش اساميهم الحقيقيه..انا شلت الاسامي الحقيقيه عشان تبقى حقوق النشر محفوظه......

.

..............................................

من سنه سنتين تلاته

اتقابلوا بنات تلاته

(من غير معاد والله)

وواحد اتنين تلاته

اسمعوا احلى حاجه..

..................

ليالي دي بت جامـــــده

متعانه لوقت زنقـه

عصبيه بدون لازمـــه

وتزعل من غير مناسبه

تموت اوي في المحاضره

وكمان اوي في المذاكره

وتحب اوي الدكـــــــاتره

ولا تطيق ظباط شرطه

......................

شاطره اوي وكمان

بتعرف تعمل محشي

وعشان مافيش وقت

أي اكل يمــــــــــــــشي

....................

علطول ماشيه بسرعه

حرام عليكـــــي ياليــالي

ماشيين بالراحه كدا ليه

مش هامشي معاكوا تاني

...................

عمرهــــــــا ماأذت حد

عشـــــــان طيبه بجد

وكمان بتتحايل علينا

كتير عشان نــــــذاكر

بس احنا بنقنــــــع فيها

وبرضو مافيش مشاكل


(ليالي دي بت جامده واللي مايعرفها يجهلها)

.........................

(لارا) دي بقى حــــــكايه

طويـــله بدون نهـــــايه

خمسين الـــــــف قصه

وميت ملــــــــيون سلام

وياعيني كمان في الاخر

برضو مافيــــــش كلام

............

وتقول ياجماعه ابداً

ده كله اي كلام

انا بس لازم يبقى

في حياتي اي جنان

.............

تحب اوي اللبان

افكارها اي كلام

وكل ده من زمان

لارا قلبت جنان

..............

ومهما حاولـنا ناثر

عمرها ابدا ماتتاثر

دماغها ناشفه خالص

اكيــــــد لازم تتكسر

................

زمان قبل ماعرفها

انا كنت ولا بطيقها

بس الحال اتغير

ولا اقدر يوم افارقها

................

طيبه وبنت ناس

مليانه بالاحساس

ذكيه وكلها اخلاص

تحب الخير للناس

......................

دول احلى اصحاب في حياتي

ربنا انعم بيهم

ولا ليها لازمه حيــــــــــاتي

لو يوم مش بيهم

.......................

والمره الجايه بجد

هيبقى احلى كلام

عن اجمد واحده في الدنيا

اكيد طبعا منــــــــار

الجمعة، 20 مارس 2009

أعلى درجـــــات العشـــق؟؟؟


أروع إحساس, بل اقسى وأصعب احساس.

أن تحب شخصا ما.تحبه بصدق من كل قلبك

تحبه لدرجه كبيره,أنت بذاتك غير قادر على وصفها.......

تحبه بكل ماتحمله كلمه( حب )من معنى.......

تحبه لدرجه أنك غير قادر على العيش بدونه...

تحبه بكل ماهو عليه.......

بل والأكثر أن تحب مساوئه وعيوبه...

ويرتفع احساسك اكثر واكثر حينما تراه....

وتتمنى لو ان تقترب منه وتصارحه وتخرج كل مافي قلبك تجاهه

تخبره أنه اصبح أنت...

تتمنى,,,

لو يحالفك الحظ ولو مره واحده في حياتك

تتمنى الوقوف امامه..تقف طويلا ..أنت لاتفعل شئ سوى النظر اليه

نعم تنظر إليه كثيرا لأنك فعلا مشتاق إاليه....

ويكفيك أنك تشعر أنك بجانبه...

تشعر به بالقرب منك..

ويتضاعف إحساسك وتزداد نبضات قلبك حينما تتلاقى العيون

في كل مره تراه,,,,,,

تسال نفسك مئات المرات أتخبره بما تشعربه تجاهه

ام أنك تفضل الكتمان أو الإنتظار..

بل الأغرب من ذلك أن تجده قد حقق لك ماكنت تنتظره

نعم,,,ولأول مره تصبح أنت من أنصار القدر

فقد أخبرك بما كنت تتمناه

أخبرك انك أصبحت كل حياته...

أخبرك انه يحمل لك من المشاعر مالا يستطيع قلبك تحملها؛

نعم من احببته قد احبك.فعلا أحبك من كل قلبه

بل وقد صارحك بمشاعره تجاهك

وبكل رقه..بكل رقه أخبرك انه لايفعل شئ سوى التفكير فيك

وأنك اصبحت كل حياته.وانه لم يعد قادر على كتمان مشاعره.

لأن مشاعره تأبى الكتمان.. يخبرك بكل هذا.

.وأنت لاتصدق ماجرى.بل وقد تشعر أنك تعيش حلماً

ولكنها حقيقه,, بل وأروع حقيقه قد عرفتها.

تتمنى وقتها لو تبكي...تبكي كثيرا وتطيل النظر في عينيه

وتبوح له بكل ماتحمله من مشاعر له..تظل بجانبه طويلا

وتتمنى أن لا تفارقه..فأنت فعلا مشتاق إليه....

تتمنى ان تخبره بكل ماعشته بمفردك..تتمنى لو تخرج مافي قلبك من جراح,

وترميها على كاتفيه...ولم لا؟؟

فأنت اصبحت هو....

تتمنى أن تخبره بكل رقه أنك تحبه..تحبه بصدق

تحبه جدا ..تخبره انك لاتستطيع العيش بدونه..

تخبره ان حياتك بدونه ليست حياه....

تخبره انك حلمت به كثيرا..وغضبت منه كثيرا

تتمنى لو يتوقف بكما الزمن عند هذه اللحظه

يتوقف الزمن لدقائق فقط ..وأنت بجواره....

ولكنك لا تستطيع قولها..تتمنى ان تقولها

تتمنى ان تخبره بأنك تعشقه....ولكنك لا تستطيع

وفي كل مره تراه فيها,,

ومع كل نظره تجمع بينكما يتضاعف حبه بداخلك اكثر..

.ترهقك هذه الكلمه كثيراً...

تتمنى لو يأتي الوقت الذي لايفارقك مدى الحياه..

ولكنك لاتستطيع...

لاتستطيع..

(لأنك حينها وصلت لأعلى درجات العشق)


الخميس، 12 مارس 2009

هل فعلا أنــا أمتــلك قلــب؟؟


ينتابني شعوور دائما....


هل فعلاً أنا أمتلك قلباً؟؟؟


وعندما اجد الاجابه واقتنع انني املك قلب..أعرف وقتها أنني املك قلبا من ورق..


نعم. انا امتلك قلبا من ورق..


قلب محطم جريح لم يبقى منه سوى ظاهره فقط


قلب قد اّلمه الزمن وجار عليه بما لا يتوقعه..


قلب من يومه لم يكره احد.ولكنه ايضا لم يحب احدا


قلب وجد فقط في هذه الدنيا ليُجرَح


قلب جريح قد اّلمته جراحه وثقلت عليه فماعاد ليطيقها


وتمنى مئات المرات لو أنه لم يعش ليرى كل هذه الجراح


جراحه لاتتوقف عن النزيف


وإن توقفت يوما جراح قلبي عن النزيف فاعلم حينها ان قلبي قد توقف عن النبض


وأن قلبي قد مات..مع انه ليست ببعيده ان يموت قلبا كان في الاصل لم يعش؟؟

اعــــــــتذار

اولا ياجماعه وحشتوني جدا.بجد وحشتوني..
بعتذر جدا عن الانقطاع عن التدوين الفتره اللي فاتت لانها كانت فتره صعبه جدا عليا.
ظروف وفاه شخص عزيز جدا على واحده اعرفها وبعزها اوي وتعتبر زي اختي بالظبط
وانا كنت متاثره اوي وزعلانه على زعلها بس الحمدالله
كمان دعواتكم بقى معايا لاني كنت بستنى نتيجه تحليل معين والتحاليل طلعت ايجابيه
والدكتوره طلبت تحاليل تانيه تاكيديه
ودعواتكم معايا.
بس ده مايمنعشي ابدا اقولكم كل سنه وانتم طيبين مع انها معليشي متاخره شويه.
اقولكم المفاجاه اللي عملتها
بعد ماخلصت على كل الحلاوه اللي في السوق نطت في بالي فكره اني اعمل (سمسميه) في البيت
وده لاني بعشق السمسميه..
وكعاده اي فكره عندي انها بتتنفذ في الحال في دقيقه كنت في المطبخ
وعملتها
اه والله عملتها هي شكلها حلو وكل حاجه بس على راي محمد اخويا عايزه سنان تمساح عشان ياكلها
والغريبه بقى انها اتاكلت كلها مش عارفه بقى السبب احنا بيت تماسيح ولا ايه....
وان شاء الله قريب جدا ساعاود التدوين
دعواتكم