يوم غريب النهارده بالنسبه لي,وغريب جدا كمان مع انه بالنسبه لأي حد عندنا
فهو يوم عادي جدا لان ماحصلشي فيه اي حاجه غريبه...
النهارده كان احساسي مختلف جدا عن أي يوم تاني.....
قمت الصبح بدري ولوحدي بدون اي تفكير مسبق جبت ورقه وقلم
وقعدت اكتب في وصيتي؟؟؟؟؟
أنا نفسي مستغربه انا ليه عملت كدا النهارده
لقيت نفسي بكتب حاجات كتير أوي... واعترافات كتيره
وتفسيرات لحاجات ,,,وعتاب وسلام وأرقام
لقيت نفسي بكتب حاجات أنا نفسي كنت نسيتها
وكنت حاسه اني مستعجله أوي وانا بكتب....
وشرحت حاجات كتير كان نفسي اشرحها من زمان
وصارحت نفسي بكل حاجه وكتبتها....
خلصت وحطيت الورقه في ظرف وكتبت عليه
(يفتح هذا الظرف بعد وفاتي)
وعنته في مكان معين..ورجعت كملت نوم تاني...
ليه أعمل كدا النهارده بالذات مش عارفه......
***كهرباء قاطعه معظم اليوم عندنا النهارده
حسستني فعلا إن اليوم غريب ومختلف...
ولما كنت بقولهم في البيت كمان تقطع الكهرباء النهارده
مش كفايه؟؟؟؟
ماما تقولي كفايه إيه؟؟؟هي أول مره يعني تقطع الكهرباء....
مش عارفه ليه النهارده كنت حاسه إن الحياه مختلفه جدا
حتى في أبسط تفاصيلها...
***دلوقتي بقى أهم حاجه عندي ماازعلشي حد مني خالص
أيا كان سبب الزعل وأيا كان هو مين؟؟؟؟
بقول في بالي مادام ماقدرتش أكسب حب اتمنيته,
فبلاش أكسب كراهيه أو زعل حد مني.........
****غيرت مكان كل حاجه عندي في الأوضه
من الأخر قلبت الأوضه محاوله بسيطه مني لكسر الروتين......
***عرفت حد جديد في حياتي,,,صديقه جميله جدا
فرقت معايا بجد إني عرفتها وليه كدا سبحان الله حسيت
إني أعرفها من زمان....
والكلام ده منها كمان.... وده في وقت قصير
ودي حاجه بالنسبه لي مش عاديه خالص......
****آخر حاجه ,,حاجه حساها أوي النهارده....
مش العذاب أبدا نتمنى حاجه مانلاقيهاش,,
نتمنى حاجه ماتجيلناش,,,,
العذاب الأكبر لما نلاقي الحاجه دي فعلا وتبقى قدامنا
بس مش قادرين نقرب ناحيتها,,,,,
لأننا خايفين,,,
مع إن احنا كان نفسنا فيها من زمااان........
النهارده بالذات حسيت براحه كبيره لما كتبت البوست.....
هناك 49 تعليقًا:
اول تعليق
منار جدا ! بصي يا ستي
كتابة وصيتك بجد شعور غريب جدااااااااااااا
لأنك ساعتها بتكتبيها و انتي في حالة صراحة و تسامح مع الاخرين و احساسك بالموت و حسن الختام و الكلام ده
انا بجد مجربتش اكتبها ... يعني ... لأني اولا هخاف اعترف بحاجات كتير جدا .... و هخاف من ان حد يعرف اسراري حتي بعد موتي
غالبا اللي حصلك ده بسبب زهق و ملل و خنقة يمكن من الحب اللي مكسبتيهوش
بعد ماقريت كلامك بافكر اكتب زيك واقول لابنى وصايا يمكن يحتاجها فى يوم ما اكونش معاه
بس خلاص وجعتى قلبى
سلام
بقول في بالي مادام ماقدرتش أكسب حب اتمنيته,
فبلاش أكسب كراهيه أو زعل حد مني.........
صديقتى الجميلة منار
احساسك لا أنكره عن نفسى
ولكن الفارق انكى انهيتى وصيتك لكنى لم استطع ان اكمل اول سطر فيها
الفكرة جميلة والاحساس فعلا غريب لكن مش عارفة انتى نمتى ازاى بعدها :d
العذاب الأكبر لما نلاقي الحاجه دي فعلا وتبقى قدامنا
بس مش قادرين نقرب ناحيتها,,,,,
لأننا خايفين,,,
فعلا يا منار
ولحد دلوقتى بستغرب فى نفسى كده
وهقولك مثال بسيط جدااا
اى بنت تتمنى انها تحب وتتحب
وفعلا لما اتحبيت هربت ... خفت !!!
برده بيبقى احساس غريب
وتفسير اغرب
ربنا يستر :D
أراكى دوما بخير وعلى خير
وواضح انك عندك امتحانات وقاعدة بتكتبى وصايا !!
ارجوا الا يساورك القلق تجاه هذا الشعور فكثير منا يمر بتلك اللحظات الغريبة والتى معها تشعرى وان القادم سيختلف وكان اللحظة التى تحيها هى الفيصل بين الماضى والحاضر
لا تقلقى
لكن الجميل الايجابيات الناتجة عن الشعور
ادام الله عليك راحة البال
تحياتى
بسم الله الرحمن الرحيم
السلام عليكم ورحمة الله وبركاته
دكتورة منار
الفكرة مش غريبة ومش جديدة
لكن الجديد والغريب جدا انك تقومي من النوم وفجأة تقرري تكتبي الوصية
هل ده ارتبط بحلم كنتي فيه قبل ماتصحي من النوم ولا مجرد فكرة جت في عقلك فقررتي تنفذيها
في جميع الاحوال دي ظاهره صحية ولاقلق منها
بالعكس دي حتى من خلال كلامك استفدتي منها في الفترة اللي جايه خصوصا
عموما ربنا يوفقك ويصلح لك احوالك
ونتمنى لكم التوفيق
في حفظ الله
هو شعور غريب طبعا
ولكنه يأتى لمعظم الناس فى اوقات غريبه جدا
وباشكال مختلف
احيان كنت اشعر اننى قد اموت اليوم
ولا ارف السبب
او اننى قد اموت فى حادث سياره
وبدون اى مقدمات او اسباب
وانما شعور مفاجئ يأتى فى اوقات غريبه جدا
المهم ان يشعر انسان بغبته فى الحياه
ويجد ان وجوده فى الدنيا يسعد اناس جوله
هذا هو المهم
مونك انك تحسسى بالملل وعاوزه تكسرى الروتين كويس جدا
ووكويس انك تلاقى وتكون كل حاجه فى حياتك
بس اللى مش كويس الخوف طالما الحاجه دى ممكن تسعدك ليه تبعدى عنها
طب قربى منها وحاولى جايز تلاقيها مختلفه عن ظنك فيها
تصدقي انا كمان حاسه باحساس شيهه ده
بس مش كنت عارفه اعمل ايه نفسي اروح في مكان بعيييييييييييييييد ومش اشوف حد ولا حد يشوفني
منار
حقيقي شعور وتصرف غريب
يمكن محصليش قبل كده
بس بجد جيت في يوم
وحسيت اني قربت اموت وقعدت افكر
اعمل ايه
مفكرتش اكتب وصيتي
بس فكرت اصالح كل اللي زعلانين مني
واصلح حاجات كتير قوي كانت غلط في حياتي
وبرضه ساعتها كنت قايم من النوم
بس المشكله يومها اني قمت بالليل
ومقدرتش انام تاني
ربنا المني وقمت طبعا اتوضيت وقعدت اصلي
واقول الاذكار
وارتحت نفسيا جدا ساعتها
عادى اى واحد معرض للشعور والاحساس ده
ومش غريبة ان الواحد يكتب وصيته دى حاجة جميلة
ومش غريب ان الواحد يحاول يتصالح مع نفسه ومع الناس
بس الغريب ان الواحد يفضل طول الوقت يفكر فى التفكير ده
ربنا يبارك فيكى
احييكى على البوست
شعورك جميل جدا وواجب على كل مسلم وعلى فكرع كتابت الوصيه سنه عن رسول الله صلى الله عليه وسلم وواجب على كل مسلم انو يكتبها فى شباب او فى اى وقت
كان احد الصحابه عشان يفتكر الموت وعزاب القبر كان بانى فى بيتو قبر صغير وكان يتفن نفسو فيه ويقل لنفسو الاسئله ويجاوب عليها وفجأه لما الضلام يغمر المكان يصرخ ويقول اخرجونى ربى ارجعون ربى ارجعون لعى اعمل صالحن فيما تركت
وفجأه يخرج من القبر ويقول الحمد لله ربى ارجعنى اعمل صالحن فيما تركت
شباك مفتوح مش موارب ابدا
ناس بالصفاء ده يبقى اكيد قلوبهم قلوب بيضه نسال الله العظيم ان يختم لنا ولكى بخاتمة السعاده اللهم امين
دمتى بخير وسعاده
يارب كده دايما فى راحة وربنا يسعدك دايماااااااا
أتمنى دوام التواصل
مش احساس غريب ولا حاجة
بس هو مش مألوف شوية
ويارب ربنا يديم الصداقة اللي لقيتيها دي
ويحققلك كل خير
بصراحه كتابه الوصيه خطوه غريبه ربما لا أجرؤ على فعلها
ربنا يبارك في حضرتك ويرزقك طمأنينه في نفسك
دي اول زياره ليا لمدونتك
ارتحت لطريقة كتابتك الحقيقه
تقبلي تحباتي دائما
حقيقى دى أول زيارة لمدونتك
المدونة كويسه جداااااااا
أتمنى لكِ دوام التوفيق
أول زيارة لحضرتك
المددونة بجد هايلة
بالتوفيق دايما
اوقات نبقى عايزين نفضفض
ومنلاقيش حد نفضفضله غير ورقة وقلم
انا دائما اوصي ل اقرب انسانه الي قلبي بعد امي وهي اختي ... طبعا الوصيه شفهي لكن انا متأكده انها راح تنفذها بالحرف ... بس بعد ما قريت بوستك قررت اكتبها ...
منار من توكل على الله فهو حسبه
وحشتيني
بسم الله
بدأتها زى ماقلتى بس اية دة اول زيارة ليكى
بس لفت نظرى اسمك لية الشباك موارب
وكتابة الوصية شئ جميل والاجمل انك تشوفى الدنيا على حقيقتها مش مستهلها نزعل حد
تحياتى
بسم الله
منار أولا ازيك وأخبارك ايه ؟؟؟؟
شوفى يا ستى بما أنتك مش عايزه تزعلى حد منك خالص
فأنا زعلان منك جدا
أيون أنا زعلان
عارفه ليه ؟؟؟؟
عشان مسألتيش عليا وأنا فى فترة الغياب اللى الله أعلم أنا كنت فيها شكلى ايه
لكن بالنسبه للموضوع
أنا من وجهة نظرى المتواضعه جدا جدا جدا
أحب أقولك افرحى وتفائلى جدا لأن احساس كتابة الوصيه ده بيكون ناتج عن بإذن الله عمر طويل
ربنا يفرحك دايما يارب
تحياتى
على فكرة دى حالة وهتعدى
...أصلها جاتلى كتير ..واتعلمت منها ان اكون انا هو انا مش حد تانى ..يعنى خليكى واثقة من نفسك ..ولو حسيتى ان كل شئ غريب يمكن علشان حسيتى بالغربة .. ولو دى كانت غربتك .. يا رب يكون مكانك الاصلى هو الجنة
تحياتى
ايه طيب مفيش جديد ولا ايه؟
المعلم محمد
خايف ليه تكتب وصيتك
عارف انا لما كتبتها بعد يومين افتكرت حاجه كنت ناسياها روحت زودتها
بجد بضحك على نفسي وكاني هموت بكره...
شكرا لمرورك ودائما
لاسع افندي
جري علطول اكتب كل اللي نفسك فيه
انا بقيت من خلال البوست ده بشجع الناس على كتابه الوصايا...
شكرا جدا لمرو حضرتك الرائع
شق القمر
رنا مبسوطه جدا بمرورك عندي
ويارب مدونتي تكون عجبتك
انا فعلا عندي امتحانات
جايز ماثره مع اني مش متاكده من ده.....
مبسوطه جدا ان كلامي طلع متوافق معاكي
ومعاكي حق في كل اللي قلتيه
ويارب الزياره تتكرر علطول
رؤيه
متشكره ليكي جدا
ويارب علينا كلنا
قلم رصاص
انا عارفه بجد انها مش غريبه
بس كون بقى قمت مخصوص من النوم فده مالوش علاقه بحلم او ماشبهه
عموما شكرا كتير على مروك الدائم
رامي واصل
عارف احساس الموت بيجي لكتير مننا
متهيالي كلنا مرينا باوقات حسينا اننا فيها خايفين من الموت او بنفكر في الموت كتير...
بس بيبقى في ناس معينه دايما حاسه انها هتموت في اكتر لحظات حياتها
الناس دي ممكن تقراالتدوينه بتاعتي
عشان كدا دي ظاهره من التشاؤم فقط
ومالهاش دعوه بالاحلام او خلافه
شكرا يارامي
رومانسي
شكرا يااحمد على مرورك
دي دوامه من الخوف والتردد
على الاقدام على شئ مجربينه قبل كدا نقول ياريتنا ماجربناه
ده شعور طبيعي جدا جدا
جايز الاراء مختلفه جدا في النقطه دي
ديالا
منوراني في مدونتي
اتمنى تكون عجبتك
اكيد مش كلها طبعا
اقل حاجه البوست ده
احنا بقينا بنمل بسرعه وعايزين نغير حاجات كتير اوي في حياتنا.....
يارب تكوني بقيتي كويسه
ابو العريف
انا متاكده طبعا ان ده حصل لكل الناس
وتصرفك طبعا جميل جدا وانساني كمان
بس ياريت بجد والكلام ليا قبل مايبقى ليك ولكل اللي يقرا كلامنا مش لازم نحس الموت عشان نغير حاجات في حياتنا او نصالح بعض.....
دايما نحاول نفكر نفسنا بيه
ونبقى على استعداد
وربنا يكتب لنا جميعا خاتمه حسنه
شكرا جزيلا
مسدس صغير
ربنا يبارك في حضرتك
وشكرا على المرور
ادم المصري
ادام الله عليك صفاء ونقاء قلبك
وربنا يبارك فيك
واحييك على ردودك الرائعه
osama44
عاجباني جدا الجمله اللي كتبتها
(شباك مفتوح مش موارب ابدا)
شاكره جدا ليك
جحا المصري
رائع جحا عاد من جديد
ان شاء الله ازور مدونه حضرتك
ويارب تتكرر علطول
manoooosh
يارب يارب يامنى
ويارب تكوني بخير علطول
مصطفى ابو زيد
بجد كلامك اكتر من رائع
ويمكن عشان انا بكتب اللي على بالي
بكتبه ببساطه
بكتبه زي مايطلع
عشان كدا وصلك ببساطه
محمد غاليه
انت بجد نورت مدونتي
شكرا كتير ليك
ويارب يكون البوست عجبك
حلم بيعافر
انا بعتذر ليك جدا عن قله او بالاصح عدم زيارتي لمدونه حضرتك...
جايز فعلا زي ماقلت
ساره
انت كمان ياحبيبتي وحشاااني اوي اوي
مدونتك ضاعت من عندي او اتحذفت مش عارفه اوي
بس دورت عليها بجد ورجعتها
مرسي اوي
حبيبه سي السيد
مبسوطه اوي مدونتي عجبك اسمها
انتي منوراني
ومبسوطه جدا بزيارتك
ويارب علطول
الشاعر الحزين
علاء
انا مادخلتش مدونتك من مده ياعلاء
وعشان كدا مااعرفشي سبب غيابك
يارب يكون السبب خير وانتهى وترجع لمدونتك من جديد
يارب انت تفرح علطول
شكرا ياعلاء
well
شكرا جدا
ويارب امين على كلامك
محمد غاليه
ان شاء الله قريب جدا البوست الجديد
بس فين خمسه جنيه كدا من كل واحد
لا البوست المره دي بفلوس
هو كلامي مايستاهلشي يندفعله فلوس
هو يعني ابراهيم الفقي احسن مني ولا احسن مني؟؟؟
اكيد طبعا احسن مني
ساعة صدق مع النفس تساوى الكثير
وانا مبسوطة عشانك:)
انتي جميله جدا ..
وحقيقيه اوي ..
والله يابنتي حسيت اني حبيتك من البوست دا واننا اصحاب من زمان ..
اقولك ايه .. بس كلامك مريح وفكرني بنفس اليوم اللي انا كمان عملت فيه كدا زكتبت وصيتي ..
بس للاسف عنتها في مكان سهل الوصول .. واخويا قراها واتريق على كل حرف فيها .. الله يسامحه بقى :)
ماهو برده انا كنت كاتبه حجات غريبه اوي .. بس وانا بكتبها كنت حاسه انها مهمه اوي ..
بس بجد شكرا ع البوست دا .. مدونتك جميله اوي على فكره ..
تحياتي
السلام عليكم
البوست عجبني اوي ..وحصلت معايا كذا مرة اني اكون عايزه اقوم اكتب الوصية...وخلاص رتبت افكاري وكل الي عايزه اقوله..وفي اللحظة الأخيرة مكتبش مش عارفه ليه..بيني وبينك كتابتها من عدمه بالنسبة لي مش هتفرق كتير..لان حياتي واضحة جدا وكل حاجة فيها معروفة لأهلي..بس حاجات بسيطة الي هوضحها عشان متتفهمش غلط...بس كده
والمدونة مميزة وبالتوفيق دائما
إرسال تعليق