اولا ياجماعه وحشتوني جدا.بجد وحشتوني..
بعتذر جدا عن الانقطاع عن التدوين الفتره اللي فاتت لانها كانت فتره صعبه جدا عليا.
ظروف وفاه شخص عزيز جدا على واحده اعرفها وبعزها اوي وتعتبر زي اختي بالظبط
وانا كنت متاثره اوي وزعلانه على زعلها بس الحمدالله
كمان دعواتكم بقى معايا لاني كنت بستنى نتيجه تحليل معين والتحاليل طلعت ايجابيه
والدكتوره طلبت تحاليل تانيه تاكيديه
ودعواتكم معايا.
بس ده مايمنعشي ابدا اقولكم كل سنه وانتم طيبين مع انها معليشي متاخره شويه.
اقولكم المفاجاه اللي عملتها
بعد ماخلصت على كل الحلاوه اللي في السوق نطت في بالي فكره اني اعمل (سمسميه) في البيت
وده لاني بعشق السمسميه..
وكعاده اي فكره عندي انها بتتنفذ في الحال في دقيقه كنت في المطبخ
وعملتها
اه والله عملتها هي شكلها حلو وكل حاجه بس على راي محمد اخويا عايزه سنان تمساح عشان ياكلها
والغريبه بقى انها اتاكلت كلها مش عارفه بقى السبب احنا بيت تماسيح ولا ايه....
وان شاء الله قريب جدا ساعاود التدوين
دعواتكم
هناك تعليقان (2):
نورتي تاني يامنوره
ماتزعليش الاعمار بايد ربنا والبقاء لله
ويارب تطلع التحاليل سليمه.وبلاش تقلقيني اكتر من كدا.وابقي طمنيني
سمسميه مره واحده بتتكلمي بجد؟؟؟
لو كدا ابقي قوليلي انتي عملتيها ازاي
اصل احنا كمان بيت تماسيح
ههههههههههههههههههههه
وابقي زوريني..انا لما قريت البوست عذرتك
بس مري واقري مواضيعي حتى
اوك
البقاء لله يا جميل
ام عن السمسمية.. فاختك فتافيت بتعشقها عشق جنون
فلو عندك يجي 4 او 5 كيلو زيادة مافيش مانع انا جاهزة اقوم بيهم
على فكرة عاجبني جد اسم المدونة
دماااااااااااااغ
إرسال تعليق