.jfif)
******************************
*************************
*******************
كنت واخده على نفسي عهد أساعد واحده صاحبتي في حاجه معينه
مزعلني إني ماقدرتش مع اني حاولت كتير......
الظروف كلها ماكانتشي في صالحي.......
وهي كان كل اعتمادها على ربنا بعدين عليا......
هي مش زعلانه مني بس على رأيها كفايه عليكي شرف المحاوله.!!!
*****************
أتكلم بصراحه ولابلاش؟؟
محتاره أوي .من طبعي مابتكلمشي عن نفسي كتير او بالأصح عن حاجه مضايقاني
وحتى بعد الضغط الكبير.....جه الوقت اللي لما اتكلمت فيه ندمت وعرفت قد ايه أنا عيله...
وكنت ناويه مااقولشي ورجعت في كلامي...........بس غصب عني طلع الكلام مني......
ساعات بقول أنا غبيه كدا ليه.......ساعات بقول أنا مزوداها حبتين.......ساعات بقول
في ناس كويسه اننا نثق فيهم ومايخونوش الثقه دي.......ساعات بقول كبري دماغك؟؟؟
***************
وصلاني مسجات كتير.....حلو برضو ألف مسج بجنيه.........
بس مش حلو خالص لما تعرف ان المسج ده وصلك عشانه ببلاش....
وعشان صاحبه مش خسران فيه حاجه........وعشانه عايز يخلص الالف مسج بتوعه.....
أكيد طبعا مش الفكره ان مفروض نخسر...بس على الأقل بلاش نضحك على بعض......
مش هاشترك خالص.....!
هناك 46 تعليقًا:
السلام عليكم ورحمة الله وبركاته
ازيك يا دكتورة منار....
موضوع الواسطة ده أساسي جدا في الكليات العملي عشان الشفوي والعملي ..بس بجد الله يكون في عونكوا احساس بالظلم والقهر كبير جدا ..لما حد يبقى مش عارف حاجة ويدخل الدكتور يسلم عليه وازي والدك ومع السلامة على كده..والتاني مقطع نفسه وبرده مش عاجب...والحظ بيلعب دوره دايما في الامتحانات دي
هههههههههه وبخصوص الواسطة مرة واحدة بس اتوصى على اختي في امتحان ..كانت هي المادة الوحيدة الي شالتها في سنين الكلية كلها.....
نيجي بقى على المسجات وانا متغاظة اصلا ...لاني اشتركت لكل البلد في العرض ده ..وانا الوحيدة الي موبينيل ....
عارفه عادي لما يكونوا اصحاب قريبين وبيبعتوا كتير ويستغلوا العرض ...اما لو حد ناسيكي بقاله كام سنة وافتكر دلوقتي عشان المسج ببلاش ..بيبقى شعور مش حلو خالص وبيجرح ..ونقول ياريته ما افتكر...
بوست جميل وبالتوفيق دائما ...
وحششششششششششششششانى يا منار قوى
ويارب بقى تخلصى من الامتحانات دى وتفوق وأعرف أتكلم معاكى شويه
أكيد أن مش من الناس دى اللى بعتت لك مسجات
بس اكيد هبعت ببلاش بقى هههههه
يا منار انتى قلبك أبيض وتستاهلى كل خير ولا مزوداها ولا حاجة
انتى انسانه
هتوحشينى وهستناكى على الايميل النهارده بالليل
أخيرا التعليقات اتعدلت عندك
الحمد لله
انا مش فاهمهخ ايه السر فى انكم بتحجبوا التعليقات
طيب ما انا سايبها لله
حراااااااااااااام
انا كنت الاول
طيب انا التانى يلا
مش مهم
عارفه يا داكتوره
الواحد لما يكتب كل اللى جواه وخلاص يستريح بغض النظر عن ان الواحد بيعتقد انه اهبل او بيعمل حاجات هبله ده اللى بيريحه يعمله علطول وكمان اللى عجبنى قوى تعليقك على حكايه الرسايل دى فعلا الواحد بيحس انه عشان ببلاش الناس افتكرته غير كدهاالناس مستخسره تبعت عجبنى قوى التعليق ده وانا منور كالعاده
منار
ما شاء الله طريقة الكتابه منسدله بشكل عجيب
حاسس انك بتكلمينا وجها لوجه
مكنتش عايز الموضوع يخلص
طالما كان عندك النيه تساعدي صاحبتك ومقدرتش خليكي فخوره بالمحاوله اللي برضه ليها اجر عند ربنا
اما بخصوص الرسايل المجانيه فانا شايف الموضوع سخيف جدا
عملت زيك مرضتش اشترك وكمان حطيت خط اتصالات عشان محدش يبعتلي رسايل
انا لما حد بيوحشني باتصل بيه اقوله مش ببعت رساله ببلاش
يارب يسعدك دايما
والف مبروك لدكتور محمد مره تانيه
وعقبال تخرجك يارب
تقبلي مروري وتحياتي المتواصله
السلام عليكم ورحمه الله وبركاته
ازيك يا قمر
يا رب تكونى بخير
دلوقتى بقت الواسطه تقريبا فى كل شىء فى حياتنا هو دا النظام اللى ماشيه بيه البلد دلوقتى
ومع ذلك احنا مش مجبرين ابدا ان احنا نقبل واسطه من حد لان اكيد ربنا هيكرمنا طول ما احنا ماشيين فى الطريق الصح لاننا معتمدين عليه وحده
تحياتى
فعلا يامنار
موضوع الوسايط ده تحسي انك بتسرقي حاجه مش من حقك
اما بقي عن موضوع الالف رساله
انا جالي رسايل كتير جدا
بس انتي اخداه بحساسيه شويه ده مجرد عرض من الشركه زيه زي عرض تاني
وبعدين روقي كده واضحكي مفيش حاجه تستاهل ياقمرايه
ازيك يا دكتوره اخبارك ايه واخبار الامتحانات اللى مش هتخلص دلوقتى
المشكله مش فيكى لوحدك دى مشكله بلد بحاله
بس اللى بيتوكل على ربنا دايما بينصفه
وبعدين اهم حاجه انك حاولتى تحققى امنيات زميتلك
اكيد مش هتزعل منك
لانك مقصرتيش من ناحيتها خالص
انا حسيت بنفس احساسك دا بالظبط ناحيه الواسطه .. وبصراحة بكرها اوي
وبحس ان انا لو عملتها كأني ارتكبت واحده من الكبائر...
انا برده بيضايقني موضوع الرسايل المجانيه..
بس حاولت افكر فيها بمنظور ايجابي ..
يعني ماهو برده ممكن تبعت لحد تاني وماتبعتلكيش حتى لو معاها الف رساله
فالحمد لله انهم فاكرينك وبيبعتولك وبيستغلوا اي فرصة عشان يقولولك انك وحشاهم وانهم بيحبوكي
موضوع جميل اوي..
شكرا ليكي
بسم الله الرحمن الرحيم
الواسطة واه من الكلمة دي
سبحان الله ، لها تأثير نفسي عجيب على بني البشر
احيانا هذه الكلمة تروفع من الروح المعنوية لواحد مقدم في وظيفة معينة وبالواسطة ترسو عليه الوظيفة
وساعتها نفسيته بتبقى في السما عشان اخد اللي هو عاوزه .. متناسيا انه ممكن تكون الوظيفه دي مش من حقه وفي الاصل كانت من حق واحد تاني وهو اخدها منه بالوااااااااااسطة
على الجانب الاخر نلاقي الواسطة كلمة يكرهها واحد تاني ضاعت من الوظيفة نتيجة لجوء أخر للواسطة واخدها منه ..وساعتها نفسته بتبقى في الأرض
قيسي بقى حضرتك على هذه الشاكلة وما نتج عنه تأصيل وترسيخ لمفهوم الواسطة وما نتج عنها من فساد اداري وبيراقراطية وروتين حكومي طال كل شيئ في حياتنا
فبجد يادكتورة منار انا سعدت جدا بموقفك تجاه الموضوع ده وانتي فعلا اتصرفتي صح بعدم موافقتك على الواسطة كمبدأ
نفسي أعمل زيك ، لأني مقدم في وظيفة وصعب الوصول ليها الا بالواسطة وبصراحة خايف من ربنا بلجوئي للواسطة ، لكن بكل أسف مفيش طريق تاني غير كده
-------
واما بخصوص المسجات ، فعندك حق فعلا حاجة تزعل ، حاجة تزعل انك تلاقي يبقى ناسيكي مدة طويلة ، وبمجرد مايبقى في ايده حاجة زي ببلاش يفتكرك لمجرد انه يخلصهم ..صلة الرحم والصداقة مش محتاجة معجزات عشان تتوصل..دي أبسط مما نتخيل
اتمنى لك التوفيق
في حفظ الله
اولا عقبال باقى الامتحانات....
ثانيا..الوسايط دى بتضايقنى جدا
لان فيه ناس غلابه وماتعرفش حد وفى الاخر هما دول الضحايا
موضوعاتك جميله
ايه يا منوره مالك يا حبيبتى ايه اللى مضايقك
مضايقك موضوع الوسطه دا بقى شئ طبيعى عندنا وفى كل حته
بس احنا واستطنا ربنا
ربنا معاكى ياقمر هو اكبر من اى شئ وكل شئ
حنين
السلام عليكم
حبيبتي الدكتورة منار
ازيك وحشاني
اسمعي مني لما تعملي حاجة انتي واثقة منها متتردديش ابدا
لما نسيب حاجة وحشة لاننا مؤمنين فهي لله يبقى مفروض منزعلش ومنندمش
بس حكاية الواسطة عند الدكاترة هي موجعة اوي
طب دول الي بينجحوا بالواسطة بكرة يعملو فالناس ايه؟
قلي الي عاوز يكلمك ازاي؟
لا ادري ولكني شعرت باحساسك وانت تتكلمين شعرت بك الألم يطغى على اي احساس اخر
دعكي منهم فقط كوني انتي
احترامي
الحمد لله ان الامتحان عدي علي خير
ربنا يوفقك
بالنسبه لموضوع الماسيجات
متزعليش
انا بقي بفرح بالماسيجات اللي بتجيلي قوي
مش عشان دولي ( يعني بنص جنيه)
لا عشان بحس انها بتحمل مشاعر صادقه جداااا
يمكن اكتر من المكالمه
ولو زعلانه يا ستي
انا مستعد ابعتلك500000 ماسيج من ام نص جنيه
اديني الرقم بس وانا اعمله اعلان في الجرايد
هههههههههههههههههههههه
هههههههههههههه
تحياتي يا دكتوره
يستى الله هوا الوسيط
وربنا يكون فى عوننا
بسم الله
ممكن تفسرلى انى 628 متقدم للوظيفه مينجحش منهمم الا 12
وللاسفالراجل اللى كان بيعمل معايا المقابله بيقولى انت عندكامل تشتغل فىشركة مصر الطيران ؟
قلته اه قالى ليه قلته متفائل خير
بعد كده فهمت انهو كان عايزينى اقوله علشان معايا وسطه
دمتى منوره ومتالقه
تكلمتي عن نفسك
بس بشكل غامض
بس المهم انك عبرتي
عن ما يجول بخاطرك :)
السلام عليكم
هتكلم عن شوية حاجات
الواسطة...الحمد لله عمرى ما سعيت ليها ولما اتعرض عليا رفضت والحمد لله كان عندى ثقة فى ربنا سبحانه وتعالى وحسيت بعزة وسعادة وانى بتاجر تجارة رابحة مع ربنا والحمد لله اللى وفقنى لهذا
بالنسبة لمحاولتك لمساعدة صاحبتك اقولك على العبد السعى وليس عليه ادراك النجاح
واخيرا الرسايل ...انا اشتركت بس ما بعتش منها حاجة خالص ...مش عارف ليه..يمكن حسيت بالاحساس اللى بتقولى عليه ده
تحياتى
منار أنا بجد عجبنى قوى قوى
زوقك فى كلامك عن نفسك وعن الآخرين
يمكن محدش كتير ياخد باله من النقطه دى
لكن بجد حسيت ان أنتى زوقك تعدى الوصف فى الكلام عنك وعن الآخرين
وطبعا أنا معاكى جدا فى موقفك من الوسايط
وبرده يكفيكى شرف المحاوله زى ما صحبتك قالتلك
أما عن نفسك بقى
فدى أنا هسيبهالك أنتى تقيميها بطريقتك
بس بعد ما تقرأى الكلام اللى أنتى كاتباه ده بالراحه ومع نفسك
هتقوليلى ايه الهبل ده ؟؟
أنا عارف انه كلامك وأن أنتى اللى كاتباه وعارفاه كويس
لكن صدقينى أحيانا بنكتب وبعدين لما نقرأ نحس بفرق كبير قوى قوى
وهو ده اللى أنا عايزك تحسى بيه
جربى ومش هتندمى
اه نسيت أقولك
ابقى سلميلى على سهوره
لأنها غايبه بقالها فتره مش عارف ليه
دمتى بالخير
للاسف الواسطة موجودة فى كل مكان و مش هتتغير هذه الواسطة الا بان نغير من نفسنا
تحياتى على المدونة الاكثر من رائعة
قديما قالوا
معاك واسطه تاكل باستا
ممعكش واسطه تقعد على البسطا
المهم ان واسطتنا تبقى ربنا
وهو عمره ما هيخذلنا
ربنا يوفقك فى امتحاناتك يارب
ويعديها على خير
تقبلى تحياتى
هي الواسطة للأسف بقت داخلة في كل كبيرة وصغيرة بحياتنا بس أنا عن نفسي بفضل الابتعاد عن مجال القيل والقال
ربنا يوفقك
تحياتي
شريكه في المطعم
الف شكر بجد
انا الحمد الله كويسه
مرورك بجد رائع كالعاده
شبه انسانه
سهوره
انتي فينك
وحشاااااااااااااني من هنا لبعد ساعه
مستنياكي النهارده
the illusionist
طبعا انت منور كالعاده
بس بجد انا فعلا فكرت من ناحيه تانيه
كان ممكن اللي يبعتلنا المسج اصلا يبعته لحد تاني
يعني هو فكر فينا برضو
شكرا
مصطفى ابو زيد
ازيك يارب بجد تكون كويس
الف مبروك والله يبارك ليك تاني
pink dream
الحمد الله كويسه
وحشاااني اوي
ديالا
انتي فعلا بجد تجنني
ومعاكي حق اوي
وكلامك مقتنعه بيه جدا
كان ممكن مايبعتلناش
يعني هو افتكرنا
ربنا يكرمك يارب
romancy
احمد ازيك
متشكره اوي على كلامك يااحمد
ربنا يكرمك يارب
انا
متشكره جدا جدا على الرد بجد
عقل سليم تماما
معاك حق كبير في اللي قولته
قلم رصاص
انت الموضوع مزعلك جدا زي ماهو مزعلني
ومزعل ناس كتيره فعلا
ربنا يوفقك يارب
ويحققلك كل امانيك
mony
اول زياره عندي
ربنا يخليكي دا من زوقك
حنين
مش مضايقه ياحنين
بس اللي بيضايقني اني شفت الغلط طبيعي وعادي
بفرح اوي بزيارتك ليا
سمسم
ربنا يكرمك يارب
انا عامله اشراف عندي سيبي الميل عندي وانا هاضيفك ولو انتي حاطه اشراف هاسيب الميل عندك
ياريت بجد نتعرف اكتر
جاره القمر
مرور اكتر من رائع
ابو العريف
اتفقنا على العرض بتاعتك
يارب يكون كله تمام
ادم المصري
شكرا جدا على المرور
osama44
ربنا معاك يارب يكتبلك الخير
شكرا على المرور
اقصوصه
بشكل غامض فعلا في حجات معينه
بس ولايهمك
شكرا على المرور
بنجواتي
انت صح طبعا
المشكله لما توصل لمرحله غصب عنك محتاج واسطه
دي المشكله
شكرا على المرور
الشاعر الحزين
علاء انا بجد مش عارفه اقولك ايه على الكلام اللي كاتبه
الف شكر ليك بجد
كلامي عادي والله
انت بس مديه اكتر من حقه
والسلام لسهوره يوصل طبعا
هي كويسه الحمد الله
akeed
الف شكر لمرورك انت طبعا
الاول
ويارب دايما
ليس فقيرا من يحب
ربنا يوفقك ياحبيبتي يارب
miechel
شكرا على المرور
إرسال تعليق