مبسوطه أوي لما عرفت ان خالتي في الكويت اكتشفت مدونتي.....
واللي مفرحني اكتر انها لقتها لوحدها......ويارب تكون فعلا حاجه فرحتها زي مابتقول....وماتكونشي اتريقت كتير...
بعد كدا انا ممكن اعمل رسم دخول دولي....(للكويت بس)
انا بسلم عليها جدا لانها ان شاء الله هتقرا البوست....وحشتوني كلكم ويارب تنزلوا مصر وأعرف اشوفكم....
ويارب لو قريتو البوست لو تعرفوا تسيبو الميل في تعليق عندي....
___________________________________
بوست المره دي بقى يارب يكون فيه شويه امل وتفاؤل.......
خصوصا في ظروف عكسيه تماما امتحان باطنه بكره......
ويارب يعدي كويس؟؟؟
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
**ولو كل البحور ضدي
هيقدر مركــــبي يعدي
لأضيق نهر......هيهدَي
**ولو عادنتني دنيايا.....
وزادت حزني جوايـــــا
هيفضل حلمي جوايــــا
**مادام قلبي على الدنيا ماهوش ملهوف
أنا هاقدر أحقق كل أحلامي,,,,ومن غير خوف
وبذره وردتي هتكبر,,,,ومن غير شوك.
ويملى نداها كل الكون....
**ومش لازم في أقصر وقت أحقق أنا كل أحلامي
تعدي سنين ومهما تفوت...
هيفضل حلمي جوايا ومش هيموت....
(أستودعكم جميعا الله الذي لاتضيع ودائعه)
هناك 52 تعليقًا:
ربنا معاكي انتي في خامسة طب مش كده
معاكي ربنا يا رب يوفقك وييسرلك أمرك ويشرح صدرك
كلامك رائع قوي حسيته قريب مني جدا دخل قلبي بدون حواجز
انت حد جميل ورائع قوي
ربنا يبارك فيكي ويحققلك كل ما تتمنيه
سعيد جدا بزيارتي لمملكتك العظيمة دي ومش هتكون مرة وخلاص
في حفظ الله
اهم حاجة الدخول من مصر يكون مجانا
^_^
............
واجمل حاجة اننا نحلم
والاجمل انه ما يموتش جوانا
والاروع انه يتحقق ادامنا
............
ليكى تاج عندى ياريت تقبليه
تحياتى
لا الحمد لله فى تقدم جامد وحالة النكد عدت
أيوه كده
ربنا يسعدك دايما
حلو قوي يا منار
تسلم دماغك
بس علي فكره العنوان ده بيفكرني
بحاجه كنت كاتبها
ومهما يعدي تاني زمان
هيفضل حلمي جوايا
ومش هيموت
وهقفل سكة السؤالات
ما بينا
وهكتفي بسكوت
ودمعاتي مش هحبسها
وهبكي
بس من غير صوت
*
مانا عارف
باني مشيت في سكه هنتهي بدموع
لكني خلاص
معدش في ايدي تاني رجـــــــوع
*
ومجدافي ولو مكسوووور
ولا هيفرق
لاني في بحرك المسحور
بحب اغرق
وحتي سمايا لو ضلمه
اكيد انا منها لحظة نور
في يوم هسرق
*
وهستني
عنيكي في يوم تضويلي
ولو ف منام
وهعمل ايه
وايه تاني اللي بإديه
غير الاحلام
بجد بوست هايل
وفي اصرار حلو اوي
ياريتنا كلنا تكون عندنا الروح الحلوه دي
تقبلي مروري
مبروك وصول المدونه للكويت والشهره
وان شاء الله يعدى امتحان الباطنه على خير
وثلاثيات جميله
بوست رائع
اكثر من رائعه بجد قلمك يشدنى الى مدونتك بلا اراده
كلام رائع
اتمنى لو تنورينى فى مدونتى
دمتى ودام قلمك فى تالق وابداع
بسم الله الرحمن الرحيم
تحية برائحة المسك والريحان الى شخصكم الجميل دكتورة منار
برااااااااافو عليكي والله على هذه الكلمات الرائعة
خصوصا
"ولو كل البحور ضدي
هيقدر مركــــبي يعدي"
كلامك سهل ممتنع ..وبيصل مباشرة الى هدفه
اما بخصوص خالت حضرتك ، فينفع كده يعني
اول ماهي تزورك وتبقي فرحااااااانه اوي كده .. تقومي تقرري تفرضي رسوم دولية على مرور البيانات من والى الكويت
أكييييييد خالتك مش عادت هتزور المدونة اللي بتقلب الناس دي .. دا الحكومة معذورة بقى اللي مفيش بينها وبين الشعب أي قرابه .. معذورة لما تشوف حد بيعمل مع خالته كده
هههههههههههههههه
بس حقيقي انا مقدر احساسك بالفرحة لما عرفتي ان حد يهمك زي خالتك تعرف مدونتك ولوحدها كمان .. اكيد ليها وقع خاص عندك .. ومش كده وبس
دا كمان هيكون دافع ومحفز ليكي على التميز أكثر واكثر باعتبار انك عارفه ان فيه ناس تهميهم ويهموكي ومنتظرين الموضوعات الجديدة عندك
دمتي في حفظ الله
انتي حضرتك ليه عاملة اشراف على التعليق ؟!
انا عارف انك حره ودي حرية شخصية
بس اسمحيلي انقل لك احساسي وانا داخل مدونتك
حاسس اني داخل مدونة المخابرات الامريكية او الروسية مثلا هههههههههههه
ظلااااااااام داااااااامس حيث اللون الأسود يخيم على المكان (لون المدونة )
يجب ابراز بطاقة الهوية ومراجعة كل كبيرة وصغيرة قبل الدخول من البوابة ( الاشراف على التعليقات)
ولسه من شوية ناوية تفرضي رسوم دولية على المرور
ربنا يستر
اما اهرب بقلمي
هههههههههههههه
ربنا معاكي بكرة ان شاء الله
و تحلي كويس كده
و اشوفك محامية قد الدنيا !
كلام جميل جدا بجد والف مبروك يا ستى وصلتى للعلاميه ولبلاد العرب اهو كويت وبتاع كمان يومين هتروحى الغرب كمان الف مبورك على الشهره
الحلم بيفضل جوانا
بيعيش بالاراده
بيكبر بالامل
بيقوى بالاجتهاد والعمل
تحياتى
بسم الله الرحمن الرحيم
تصدقي بقالي كتير ما فرحتش و بقالي كتير زعلانة
بس البوست بتاعك خلى عندي شوية امل صغيرين
تسلم ايدك على البوست الجميل
تقبلي تحياتي و مروري الاول عندك
منــــــــــــــــــــار
الله يوفقك يارب في امتحانك
وظروفك ياقلبي ان شاء الله تتحسن
توكلي على الله ... وربي مايتخلي عن عباده
خاطرتك رقيقه وانا متأكده ان خالتك فخوه بيك
واحلى حاجه ان الواحد يكون في داخله حلم
لانه الحافز للستمرار
حضن كبير لكي :)
أكيد طبعا مش أول تعليق
يعنى هيبقى مرتين ورا بعض أول تعليق ؟؟
دا أنا كده أبقى أنانى
صباح الفل
**مادام قلبي على الدنيا ماهوش ملهوف
أنا هاقدر أحقق كل أحلامي,,,,ومن غير خوف
أنا بصراحه بفكر أقفل مدونتى أجى أستمتع بس بقرائتى لكلماتك
بجد والله فى منتهى الجمال والروعه
وعلى فكره وكلام فى سرك
أنا قليل قوى لما بيعجبنى حاجه قوى كده
بجد دى أكتر من عجبتنى
فيها تمسك بالدنيا والأخره مع بعض
بجد والله مش لاقى ليها تعليق يليق
لكن بجد فى منتهى الجمال
وتسلم ايدك
بسم الله ...
اول مرور :) وانشالله مش الاخير
ولو كل البحور ضدي
هيقدر مركــــبي يعدي
لأضيق نهر......هيهدَي
**ولو عادنتني دنيايا.....
وزادت حزني جوايـــــا
هيفضل حلمي جوايــــا
////
حلو كلامك اووووي
/////
:| منار
هو انتي ليه مواربه الشباك ؟؟!!
اوعي يابت تكوني بتبصي على بن الجيران وبتغني لنانسي
P:
افتحي الشباك دا الدنيا حر مووووت
.....
مبسوطه انو وصلت مدونتك :)
سلامي ليكي :)
انا اول مره ادخل البلوجر بتاعك بس عجبنى اوى واخر بوست دا رااااااااائع
ربنا يديم بينا التواصل
حنين
يا سلام على الكلام الجميل دا ايوه كده محتاجين امل وتفاؤل
في نبره امان وتفأول جميله جدا
معروضه بتسلسل رائع يجبرك انك
تكمل تكمل الموضوع
تحياتي
تقبلي مروري
الحلم شجرة لاتنمو إلا من قلب يرضي بقضاء الله
لك تحياتي
بسم الله
أختي منار كعادتك متألقه
كلمات رائعه منسقه مليئه بالتفاؤل
جزاك الله خير وبارك في عمرك
تقبلي مروري
ولو أني محبط ومووودي حزين بس بجد البوست هايل هايل فعلا
تحياتي
كويس والله
مدونتك بقت دولية اهيه
ربنا يوعدنا ياستى
وبعدين امتحان الباطنة ده عادى ممكن اديكى الكرت بتاعى وتخرجى بامتياز علطول من غير امتحان اصلا
هههههههههه
ان كنتوا انتوا وصلتوا الكويت فاحنا واصلين برضه
---------------------------------------------
وبذره وردتي هتكبر,,,,ومن غير شوك.
لما الوردة هتكبر من غير شوك مش هيبقالها طعم
سلام
أهلاً منار
:)
أول زيارة ليا هنا
عجبتني كلماتك
ودي تحديداً عجبتني أوي :
مادام قلبي على الدنيا ماهوش ملهوف
أنا هاقدر أحقق كل أحلامي,,,,ومن غير خوف
==
تحياتي
ودمتِ بخير
Lyssa
منــــــــار
ايه الاخبار؟ وعملتي ايه في الامتحان؟
ومبروك وصول المدونة للكويت
وبجد كلامك جميل جدا..ومن اكتر البوستات الي عجبتني والله...حلوة اوي روح التفاؤل دي
وفي انتظار جديدك
كاتب مصري
انا اللي متشكره اكتر على الكلام الرائع
ومبسوطه جدا كمان
ويارب علطول يارب تزورني واكتب حاجه تعجبك
رؤيه
حاضر ان شاء الله التاج لازم هاجاوب عليه
بس اعذريني انا الامتحانات شغلاني جدا جدا والله
بس مش هاتاخر عليكي
وحشااااااااااني
جحا المصري
هي مش حاله نكد ولا حاجه
عادي يعني
نورت المدونه
ابو العريف
شكرا ليك كتير
وفعلا فيه شبه من حيث المضمون
بس بتاعتك احلى بكتير
ديالا
شكرا كتير ليكي
رامي واصل
يارب ان شاء الله
متشكره اوي على المرور الدائم
قلم رصاص
كلامك بجد فرحني جدا
ومافيش كللام بعد كدا
بس انت اديت البوست اكتر من حقه
هو حلو اوي للدرجه دي؟؟
يارب بجد يكرمك علطول وشكرا جدا
قلم رصاص
عارف انا حاطه اشراف على التعليقات لان ده عاجبني جدا
ليه اسمح لنفسي لو حد كتب تعليق او قال الفاظ مش كويسه اني اضايق؟؟؟
وبعدين بقى اللون بني مش اسود
المعلم محمد صاحب المطعم
يارب علطول
الامتحان عدى الحمد الله
وهابقى محاميه قد الدنيا؟؟؟؟
ادم المصري
الف مبروك
شكرا جدا
لاسع افندي
مرور دائم لا اتمنى الانقطاع
واحده مجنونه
بجد انتي فرحتيني اكتر
ويارب خير اللي مزعلك
بس لو كانت حاجه ماتستاهلشي
فبلاش تزعلي نفسك عليها
ونورتي المدونه
ساره
يااجمل ساره واحلى ساره عرفتها
شكرا كتير ليكي
انا ضفتك على الميل عندي ومستنياكي تكلميني
الشاعر الحزين
تمام اوي كلامك ياعلاء
ممكن تقفل مدونتك وتيجي اقفل انا مدونتي وتلاقي نفسك في الشارع بعدها
انت اللي بجد كلامك احلى
وشكرا على المرور الرائع المتميز
bola helmy
اول حاجه اول زياره مش هتبقى الاخيره
انا بحلق على الضيوف اللي يزوروني علطول
بعدين انا مواربه الشباك عشان مايجيبشي حر
انا اللي مبسوطه جدا بزيارتك اكتر
haneen
منوراني طبعا
وان شاء الله ازور المدونه بتاعتك
romancy
شكرا يااحمد جدا
kemo
اول زياره متهيالي
يارب تكون عجبتك المدونه
شجر الليمون
معاكي حق جدا
يارب علطول
مصطفى ابو زيد
الف مبروك على التجرخ ياباشمهندس
الحمد الله
وربنا يبارك فيك
mecheal
محبط ليه بس
سيبها على الله وتوكل عليه
حلم بيعافر
انا موافقه جدا تديني الكرت بتاعتك
بس كرت ايه ده؟؟؟
اللي هاجيب بيه امتياز
lysandra
تمام اول زياره
وان شاء الله مش الاخيره
انا اللي بيدخل عندي مش بيطلع من عندي
شريكه في المطعم
الحمد الله الامتحان عدى مع انه ماكانشي كويس والله
البوست جميل اوي انه عجبك
السلام عليكم
مادمت من متابعي المدونة لم لا تسجلي تعليقاتك فيها
يا صغيرتي؟ .. عفا الله عما سلف ومن الان أنت من أصدقاء المدونة
وشكرا لتعليقك ومرورك لمرات عديدة
السلام عليكم
حلوة قوي وامل جميل والله
لحظات جميلة بتمر ونقول حلم حيفضل جوايا
يا رب يفضل دايما ويتحقق
تحياتي
إرسال تعليق