.jfif)
ماهوش بيتك....
ومش ممكن في يوم أبدا
يكون قلبي في يوم بيتك....
ومن الأخر وجايبالك ,,
ومش عايزه اقولهالك
دا لو حصلت في يوم إني هسيب بيتي
فمش ممكن في يوم يقدر
يكون قلبك في يوم بيتي
.............
ولو طالت بك الوقفه على بابه
فمش ممكن في يوم يقدر
يفارق قلبي احبابه.....
..........
اكيد بيتك ماهوش بيتي
وجايز أحلى من بيتي
لأنه ساعات نكون شايفين
صوره حلوه وبرواز شيك
ونيجي نركب البرواز على الصوره
تتوه للصوره معالمها
وتتمنى تعيش تاني
بدون برواز مقيدها.....
أنـــــــــــــا بيتي(حبيته) و(حسيته)و
وياما سنين ومن قلبي
_اتمنيته
ولما لقيته كنت أنا لسه مش عارفاه
ولما دخلت من بابه
لقيت قلبي بيهمسلي
دا أكتر بيت انا حابـــــــــاه
وقلت أنا في بالي ساعتها
دي أول حاجه هاعملها
هاجيب برواز للصوره
عشاان تفضل كدا وياااااااه
..................أنا نفسي وبدعيلك
وفي كل دقيقه بدعيلك
,,,, ومن قلبي
تلاقي في يوم طريق بيتك
عشان تتبروز الصوره
وده بإيدك
..................
ومش صعبه
لأنه معاك قلب جميل
ومش كارهاك ومش حاباك
لان إنت أكيد وأكيد
هتعرف بيتك من ملايين
وتندم انك مالقتوش وماعرفتوش
لانك كنت عنه مغمض وماشفتوش....
....................
هناك 46 تعليقًا:
الله الله الله
على كلامك الجميل والكلام اللى حسيته قوى
قوى
مهما الف ومهما ادور
مش عاوز غير قلبك بيت
مهما يلف بينا العمر
هتففضلى اجمل ما اتمنيت
*****************
تعبير بسيط عن كلامك الجميل
جميلة اوى يا منورة
اسلوبك سلس وبيوصل بسرعة
وجميلة نهايتها جدا
تسلم ايدك يا قمر
بسم الله
كلامك رائع وحساس اوى
بجد جميل
دمتى بخير
حنين
اوووووووووووه
جاااااااامدة جدا
روعة بجد
رائعه وجميله
واجمل ما فيها البساطه
قلم متميز
تحياتي
ماهوش بيتك
القلوب لها أسرار
وأعجبني هذا التعبير
موضوع جميل
ومدونة مذهلة
روعة بجد تسلم ايدك
ازيك ياقمر
نورتينى فى قهوه العربى
بس دى انا عضوه فيها مش اكتر
انا مدونتى الاصليه اسمها همس الاحساس
لكن قهوه العربى مش مدونتى
وشقاوة اخر حاجه برضه انا عضوه فيها انا وصحبتى
بس البلوج بتاعى الاصلى همس الاحساس
وهكون مبسوطه لو نورتينى فيه
حنين
جميله مووووووووووت بجد وعجبنى جدا الاسلوب والاداء مشاء الله
والله كلمات اكثر من رائعه
جميله...بسيطه وخاصة اولها
تحياتى
ما شاء الله كلماتك بجد جميله جدا حستها والله
ربنا يوفقك
السلام عليكم
معبرة جدا جدا
تحياتي
حلوه قوي بجد يا منار
عجبتني جداااااااااااا
حلو قوي التمرد اللي فيها
تسلم ايدك
تحياتي
سلام عليكم أولا
الله الله على روحك الجميلة وحرفك الرائع
طيب أنا مليش بيت في النص تايه كده ولا كده ههههههههههه ربنا يباركلك في بيتك ويلاقي كل واحد ببيته الي يسكنه علطول حاكم الواحد بأه تايه وفي الشارع
ربنا يكرمك ويوفقك
دمتي بود
سلام عليكم مرة تانية
جميلة اوي ..واسلوبك بيعجبني جدا
اكتر جزء عجبني هو بدايتها
تسلم ايديكي ودام ابداعك
رائعه وروعه جميله جدا
دمتى مشرقه
بسم الله الرحمن الرحيم
حلوة قوي و حسيتها قوي قوي
جميلة و معبرة و غامضة في نفس الوقت
بجد لذيذة جدا
تقبلي مروري و تحياتي
بسم الله الرحمن الرحيم
جميل جدا الكلمات المرة يادكتور
ربنا يزيدك يارب
دمتي في ابادع وتميز
وطيبتم وطاب سعيكم وممشاكم
ما شاء الله يا منار
كلام جميل
و رساله واضحه
تسلم ايدك
احساسك عالي
تقبلي مروري وتحياتي دائما
السلام عليكم
اول زيارة هنا
ولقيت كلام جمييل جدا
كل واحد له بيتو
احيانا بنسكن فيه الي عاوزينو وبس
بس في ناس تدخل لوحدها
وبعدها كمده نقعد نفكر يانسيبها ينخرجها تاني
بسيطة ورقيقة اوى
فيها احساس عالى
مشاء الله عليكى
امتلاكنا لبيوتنا
وتمليك بيوتنا برضو
شئ مش صعب بس عايز احساس وتفكير
عبرتى عنهم بسلاسة جميلة
تقبلى مرورى
romancy
ربنا يخليك يااحمد كلامك عجبني اكتر
باتر فلاي
اسماء ايه النور ده
فينك من زمان
يارب تكوني كويسه ياسمسم
بوسه ليكي
haneen
ربنا يخليكي يارب ياحنين
ادم المصري
شكرا جدا ربنا يكرمك
blue wave
شكرا جدا لذوقك ومرورك الدائم
لاسع افندي
متشكره جدا اولها فعلا احلى من الباقي
هديل الروح
اول زياره
انا مبسوطه
يارب المدونه تكون عجبتك
micheal
شكرا جدا ليك
ابو العريف
ربنا يكرمك يارب
مش تمرد على قد ماهو صراحه
شكرا
كاتب مصري
تايه في الشوارع؟؟؟
معقول للدرجه دي
كلامك جميل جدا
بارك الله فيك
شريكه في المطعم
البدايه مازالت متالقه
اهم حاجه ان في حاجه عجبتك
حسام غانم
ربنا يخليك ياحسام يارب
kimo
شكرا بجد جدا
محمد سعد القويري
اول زياره لحضرتك
يارب يكون بجد الكلام اللي حضرتك كاتبه
انا مبسوطه اوي بالزياره
جحا المصري
شكرا ياجحا باشا
دا من ذوقك
حنين
ماشي ياجميل
كويس انك قلتيلي
ولا يهمك انا هازور المدونتين
osama44
شكرا جدا يااسامه
انا فيا حاجه مشتركه بينا
رقم44
دا رقم انا بحبه جدا جدا
وبدون اي سبب عارف لما حد بيسالني اشمعنى 44
مابعرفشي ارد
واحده مجنونه
كل دا
جميله
معبره
غامضه
مجنونه
لذيذه
مرسي ليكي
قلم رصاص
متشكره اوي
لللكلام اللي كاتبه حضرتك
مصطفى ابو زيد
ازيك ياباشمهندس
يارب تكون تمام
شكرا اكتر ليك
سمسم
منوره طبعا عندي
صدقيني ماحدش بيدخل بيت حد بدون رضاه
جايز احنا بنحسس اللي قدامنا ان مافيش مانع
وجايز بطريقه غير مباشره توصلنا اننا نقول مين سمحلهم يتدخلوا بينا
تاني مره منوراني
احساس طفله محبه للرومانسيه
شكرا ليكي
تمليك بيوتنا للغير هو الاصعب
انا قلت رايي قبل كده ولكن لما قريتها تاني قلت لازم اديها حقها بزياده
جاااااااااااااااااامده (ماهوش بيتك)استمري على هذا النهج
إرسال تعليق