كل سنه يارب وكلكم طيبين..ويارب رمضان كريم عليكم...وينعاد علينا جميعا
وحشتوني جدا جدا وهتوحشوني اكتر كمان كام ساعه.....
الفتره اللي فاتت أنا بعتذر بجد والله لكل حد فيكم...أنا كانت بتوصلني تعليقاتكم عندي
بس عشان امتحاناتي ماكانتشي عندي وقت أرد عليها أو أزور باقي المدونات...
الصراحه بقى وحشني عالم التدوين في الكام يوم اللي فاتو دول....
فكرت كتير أسيب التدوين فتره مؤقته في رمضان ولا لأ.....بس لقيت ان الاتنين
مالهمشي دعوه ببعض...نفسي يارب يكون رمضان السنه دي مختلف عن اي رمضان عدى بالنسبه لي حتى...
أنا اوعدكم ان شاء الله اني مش هاقصر تاني ناحيه حد فيكم او عشان مدونتي...
خلاص ماعادليش حجه...أنا خلصت امتحاناتي الحمد الله وهاخد اجازه تلات شهور....
ومسافره ان شاء الله السعوديه النهارده....وبقالي يومين مانمتش وخلاص انا كدا هنجت...وشكلي مش هنام الا لما اوصل باذن الله
.يارب كل حد فيكم يارب يكون كويس....
وهتوحشوني جدا جدا.....وان شاء الله أحاول ادخل نت هناك على قد مااقدر...
أنا هاشيل خلاص الاشراف على التعليقات ابتداء من النهارده لامته مااعرفشي...
عايزه اشوف تعليقاتكم عندي لان بجد انا بفرح بكدا جدا.....
بشكر ربنا جدا على كل حاجه....
وبعتذر جدا جدا لاي حد فيكم كان عنده ظروف وفاه لتقصيري
بعتذر جدا عن الملتقى اللي ماحضرتوش ودا غضب عني وبشكر جدا كل اللي دعوني
بعتذر لاي حد مر بمناسبه سعيده وبان تقصيري عنده
انا مسامحكم كلكم كدا على بعضكم......ويارب تسامحوني من غير ماتعرفوني
كفايه ان احنا اتجمعنا تحت سقف واحد......
سبحان الله بقى مع ان هنا نت وفي السعوديه نت بس انا حاسه ان نت هنا غير...
حاسه وانا هنا انا قريبه من كل حد بس مش حاسه ده هناك مع ان النت هو النت.....
البوست المره دي انا خدت خمس دقايق عشان اكتبه لاني مشغوله جدا بس ماهانشي عليا طبعا اسافر من غير مااودعكم
(أستودعكم الله جميعا الذي لاتضيع ودائعه)
هناك 30 تعليقًا:
مبروك انك خلصتى امتحانات
حمد الله ع السلامة انك رجعتى للمدونة
تروحى وترجعى بالسلامة انك رايحة السعودية
كل سنة وانتى طيبة عشان رمضان
فى رعاية الله وأمنه...
تروحي وترجعي بالسلامة
وكل سنة وانت بألف خير
لو عملت عمرة ادعي لي بالصحة والستر وان ربنا لا يحرمني الحج والعمرة مرات ومرات
تحياتي
ينفع كده تبقي اول زياره ليه وتكوني مسافره
يلا كويس عشان اسلم عليكي
كل سنه وانت طيبه
توصلي بالسلامه
وسلميلي علي السعوديه وحشتني ووحشتني ايامها
رمضان كريم
اجازه سعيده وكل سنه وانتى طيبه
تحياتى اللاسعه
توصلين بالف سلامه
ورمضان كريم يا قمر
انا تركت لك ايميلي في البوست اللي فات
ارسلي لي رقمك عشان نتواصل ياقمر
سلامي ل اهلك جميعا
اول مرور عندك وباذن الله ليس الاخير
تروحى وترجعى بالف سنة
ولاتنسينى من صالح الدعاء سواء فى عمرة
او فى طريق اى سفر تقومى به
وكل سنة وانتى طيبة
تحياتى
توصلي بالسلامه يا منار
وان شاء الله يكون شهر مبارك
وكل ايامك تبارك
نورتي السعوديه
السلام عليكم ورحمه الله وبركاته /
كل عام وانتى بألف صحه وسلامه ،، توصلى بإذن الله وسلامته وأمنه ،،لا تنسينا من صالح دعائك
كل سنه وانتى طيبه ياقمر ويارب تكونى وصلتى بالف سلامه
وربنا يخليكى لينا بجد انا بعتز بيكى جدا
مع السلامه
وكل سنه وانتى طيبه كمان مره
اولا توصلى بالسلامه يارب
ثانيا
كل سنه وانتى طيبه ورمضان كريم
ثالثا
بالنجاح والتوفيق يارب
حنين
السلام عليكم
كل سنة وانتي طيبه
وربنا يجعلنا ممن يغفر له
ويعتق من النار
ويعيده علينا بالخير
اللهم اميــــــــن
وتروحي وترجعي بالسلامة
السلام عليكم
كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه
وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم
وارزقنا العفاف والرضا - والمحبة واهدينا يا عظيم
وأعنا علي القيام والصيام والصلاة والارتقاءالي جنة الفردوس
واجعلها لنا ميراث خير وسعادة
واجعلنا من عتقاءك في هذا الشهر يا معطي يا وهاب
وارزقنا حلاوة القرآن و حسن تلاوته
وتدبر معانيه وفهم علي النحو الصحيح
ورطب ألسنتنا بذكرك يا الله
بسم الله الرحمن الرحيم
كل سنة وانتي طيبة دكتورة منار
ورمضان كريم
ربنا يتقبل منا ومنكم
وترجعي لبلدك بالسلامة ان شاء الله
ربنا يوفقك يارب
والله تعالى أسال التوفيق لي ولك ولكل المسلمين في كل مكان
في حفظ الله
منار
تروحي وترجعي بالسلامة
(:
عارفة اني متأخرة
بس بردو
كل سنة وانتي طيبة (:
مسدس صغير
وانت طيب يارب
الله يبارك فيك يارب
وكل سنه وانت طيب
دكتور ابراهيم
الله يسلمك يارب والف شكر على المرور
ستيته حسب الله الحمش
منوراني يادكتوره
الله يبارك فيكي
وادعيلي بقى اروح فعلا مكه وليكي نصيب من الدعاوي ان شاء الله
ساسو
اول مرور ياحبيبتي الحمد الله نورتيني
ان شاء الله مش اخر مرور
لاسع افندي
شكر جدا الله يسلمك يارب
ساره
حبيبه قلبي سرسوره
انا جايلاك خلاص
وخدت النمره وخير ان شاء الله
وحشاااااااااااااااااااااني
ام مالك
حضرتك اول زياره عندي مع اني من متابعينك
ودعواتي ربنا يكرمك ان شاء الله
وشكرا جدا
ابو العريف
السعوديه منوره باهلها من قبل مااجي اصلا
كل سنه وحضرتط طيب يارب
هديل الروح
الله يسلمك ياقمر وربنا يكرم ان شاء الله واروح مكه
لاتشتاق
انا متشكره جدا على كلام حضرتك
وربنا يباركلك في الشهر ان شاء الله
حنين
نورتيني ياحنين
وحشاااني جدا ياقمر
كل سنه وانتي طيبه
سمسم سما
كل سنه وانتي طيبه يارب
ورمضان كريم
hasona
الله يباركلك يارب في الشهر
وربنا يوفقك يارب دايما
ويكرمنا كلنا يارب ان شاء الله
قلم رصاص
الله يباركلك يارب
ورمضان كريم
وكل سنه وانت طيب يارب
ميرام
فينك ياميرام
حرام عليكي بقالك كتيييييييييييير اوي مااعرفشي عنك حاجه
يارب يارب تكوني كويسه
وبعدين ولا متاخره ولا حاجه كفايه اني شفتك عندي لانك واحشاااني جدااااااااا
إرسال تعليق