أصدق مين؟
وأكدب مين؟
ومش عارفه...ومش لاقيه
في إيدي حاجه أعملها......
ـ ـ ـ ـ ـ ـ ـ ـ ـ ـ ـ ـ ـ
أصدق مين؟
وأكدب مين؟
وأنا بنهار وتعبانه ...ومش لاقيه
في إيدي حاجه أعملها.....
ـ ـ ـ ـ ـ ـ ـ ـ ـ ـ ـ ـ
أصدق مين؟
وأكدب مين؟
ومن حبك.....
بقيت أكدب وبتصدق...
وأقول الصدق واتكدب..
ـ ـ ـ ـ ـ ـ ـ ـ ـ ـ ـ ـ
ودنــــيتي بقـــت ســــكه
ومرسوم فيها ألف طريق
وأنا واقــــــفه على الحافه
لامنَي رحت لامنَي جيت
ـ ـ ـ ـ ـ ـ ـ ــ ـ ـ ـ ـ ـ
وناس قدامي كتير ماشيه
ومافيش قدامي حل بديـل
غير إني أقف وأســــتنى
ـ ـ ـ ـ ـ ـ ـ ـ ــ ـ ـ ـ ـ ـ ـ
يجي اليوم اللي فيه أمشي
وأعرف يومها رايحه لفين.؟؟؟؟؟.
هناك 14 تعليقًا:
السلام عليكم
يبدو اني اول تعليق عند حضرتك
الكلمات بسيطة ومعبرة
لكني ألحظ ان بها نبرة حيرة غير عادية
اتمنى لك التوفيق
في حفظ الله
سعيده جدا جدا بالعثور على المدونه
بجد انا بدخل مدونات كتير ومش اي حاجه بتلفت نظري وساعات كتير بقفل مدونات من اول توبيك بقراه فيها...
مش عارفه ليه مدونتك يادكتوره عجبتني اوي اوي
وده مش مجامله والله
الاحساس الهادئ والزعل كمان الهادي حتى الغضب بهدوء برضو....
اسمحيلي ان اكون من زوار مدونتك باستمرار
عاشقه الصمت
وحشتنى يا منار يا حبيبة قلبى
سامحينى انى بعيده عنك كده
بس والله غصب عنى
لما بكون تعبانة ومخنوقه كده ببعد عن كل اللى بحبهم عشان مش هشيلهم همى
المهم
انتى كنت رائعه فى النص ده
وعبر عن احساسك الصادق
خدى بالك من نفسك
سهوره
الف سلامه عليكى يا منار
صدقى قلبك بس يا منار وخدى بالك ان الصدق والكدب موجودين فى الدنيا واللى يقدر يفرق بينهم هو الاحساس
ربنا معاكى يا منار ويوفقك فى الامتحان
حبيبتي
أنا أول مرة أجي للمدونة و قاريت البوستين اللي قبل ده المدونة جميلة كلماتك تلقائية جداً جداً و عشان كده وصلت لقلبي ..الحيرة في سننا دي عادية يمكن عشان لسه بنتشكل !! يمكن لقلة الخبرة المهم إنها متجرفناش و نديع عمرنا بيها
تحياتي و أتمنى دوام التواصل
جميلة الكلمات ومعبرة عن حالة من الحيرة والقلق.. بس عمر ما الحيرة بتدوم.. اكيد بتيجي لحظة للانسان يعرف هو عايز ايه فعلا.
حبيبتي منار النص رائع جدا
وبجد اهم حاجه في الدنيا الصدق مع الاخرين
بس يارب نلاقيه عشان ده بقى عمله نادره
صدقى الى يحس بيه قلبك و يشعر بيه عقلك
صدقى من قال نعم وهوا لا يتلفت حوله من لا يلمز ويغمز من خلفك صدقى من كانت الناس تتوافد عليه وتشعر معه بل راحه من كان الامن والامان لهم وكان سرهم وغطاء عليهم
بسم الله الرحمن الرحيم
يجي اليوم اللي فيه أمشي
وأعرف يومها رايحه لفين.؟؟؟؟؟
ربنا يكرمك ان شاء الله وتلاقى اليوم ده
دمتى بكل خير
منار
كلام جميل قوي
بس مش عارف ليه
بيوجع قوي
يارب ما يكونش الاحساس ده حقيقي
ويكون مجرد خيال قلم
تحياتي
ااااااااه
الحياه تتغير
ولا يبقى شيئ على ما هو عليه
وحتى وان طالت الظلمه
ستشرق الشمس يوما
لتظهر ملامح الطريق :)
ان كنتى لا تعلمى الى اين تريدى الذهاب
فأختارى اى طريق
كلماتك جميلة
تحياتى..
جميلة يا منار
اعتذر جدا جدا عن الرد على الكومنتات عندي ولذلك لظروف انشغالي ...
قلم رصاص
سهر
رومانسي
حسام غانم
اقصوصه
well
ابو العريف
حماده
صمت الحنين
ادم المصري
moro
manoooosh
esraa
اعذروني جدا جدا
وبشكر جدا جدا مروركم الدائم
وفي امان الله
إرسال تعليق