.jfif)
الكل نزل بوستات في موضوع الماتش واللي حصل بعده
واهو كل مااشوف بوست اروح واكتب كومنت..
ولقيت ان كل واحد فينا بيبص للموضوع من ناحيه واحده او من ناحيتين
انا بجد بقيت حزينه جدا على اللي حصل في الاسبوع ده...
هي راحت ولا جت كوره يعني لعبه...
بس برضو لعبه ايه دي اللي ننضرب ونتهان فيها وحد يمس كرامتنا
ساعتها بقى يبقى ننسى موضوع اللعبه خالص بس ماننساش اللي جرالنا....
شعب واحد وامه عربيه والكلام ده ماقلناش حاجه
بس بعد اللي حصل ده مش هنفضل برضو نقول اخوه عربيه
لان ساعتها ده هيبقى جبن وخييييييييييييييبه
انا بفضل علطول افكر ياترى حكومتنا هتعمل ايه وتتصرف وتاخدلنا حقنا...
ولغايه دلوقتي مافيش حاجه باينه خالص
عارفين طبعا ان ده نسانا حجات كتير وخلانا نتغاظى عن حجات كتير عن حكومتنا
بس برضو وايه يعني احنا مصريين مع بعضنا حريين
انما يجي حد غريب ويقول كلمه او يمس شعره مننا ده اللي مانرضاهوش
*** **** ***** ***** ******* *********
اتحرق دمنا واحنا بنتفرج ع الماتش وكانت حرب اعصاب وليله مايعلم بيها الا ربنا
انا أصلا مش من المشجعيين باستمرار للكوره
بس دي بلدي بتلعب ياجماعه
بلدي بتنضرب
بلدي بتتهان
يبقى الموضوع مش موضوع كوره
الموضوع كبر جدا جدا كماااااااااااااان
وانا مستنيه أشوف حكومتنا المصريه هتتصرف ازاي
*************
أخيرا بقى أنا مش مزعلني خالص اننا ماكسبناش الماتش
احنا كسبنا حجات اكبر من كوره في شبكه
وهما كسبوا الجون
وخسروا وهيخسروا حجات كتير
اللي بس عايزه أقوله إني مستخسره فيهم الفرحه واللي ربنا كتبهالهم لسبب في علم الغيب
هناك 21 تعليقًا:
احسن حاجه عملتها اني مكتبتش عن الموضوع ده خالص
الموضوع مش عايز كلام
عايز افعال
و في النهايه ربنا بيقول
و لا يحيق المكر السيء إلا بإهله
ربنا شايف و عارف مين الظالم و مين المظلوم
تسلمي يا منار
كبرى دماغك :)
بس إهانة المصريين دا شىء فظيع ولايمكن السكوت عليه وننتظر الحق ..
البلدين خسروا اكتر من ماتش كورة
خسروا بعض
وشمتوا فيهم ناشس عايزة تشمت
ازيك يا دكتوره
معاكي حق في كا اللي قلتيه
هي لعبه بس حتي لو لعبه ما ينفعش نتهان بالشكل ده
وفعلا احنا كسبنا
كسبنا اننا بقينا روح واحده
كسبنا اننا لقينا كل الحب والانتماء ده لبلدنا اللي ساعات كتير قوي بيغيب عننا
وفعلا احنا هنا حريين مع بعضينا
حكومه وشعب
لكن اي حد من بره المفروض يبقي الرد
رد قوي
تسلمي
دى مكانتش كوره
دى كانت حرب عصابات
وقلة ادب وبهدله
ولازم يتاخد موقف
لاززززززززززززززم
اللى بيحصل ده مسخره والله
طبعا اهنتنا دى حاجه مش يتسكت عليها
كفايه ان احنا لعبنا بشرف فى المباراه دى
ولا رشينا حكم ولا جمهور
مش هقول غير حسبى الله ونعم الوكيل
واكيد باذن الله مش هنسيب حقنا
بجد اللى زعل الواحد اللى حصل من اهانة منهم لينا
ودة بجد عايزة واقفة من الحكومة المصرية مش مجرد كلام وتطيب خاطر
ربنا يوفقك ويكرمك
مع خالص تحياتى
ياريت نحتفظ بالروح اللى مخلينا ايد واحده
احنا محتاجين نحب بعض قوى
يا منار
خسرنا ماتش .. بس كسبنا حب مصر :)
فى جزائريه اهانتنى ف مدونتى ولما رديت عليها المصريين طلعونى غلطانه
بس عارفه
انا حاسه انى مبسوطه انها اتشتمت عندى بعد ماشتمتنى
هما بغبائهم موتوا 14 جزائري عشان فرحانين
والبقيه تاتى
احنا مش بنشمت في حد
بس بجد احنا اكرم منهم
وربنا ياخد حقنا
واما نشوف بقي حكومتنا الغاليه
تسلمى على البوست
لاازم ناخد حقنا الموضوع زاد عن الحد بلا اخوة بلا وجع دماغ هو كل مرة ننضرب ونقول اخوة اشمعنا احنا بس الى بنقول كدة وهما بيضربونا ولما نطالب بحقنا يضحكوا علينا بكلة اخوة
اول مره اجى هنا بس مش اخر مره ان شاء الله عاجبنى اوى البوست ويمكن كمان قريت البوست الاخير من السعوديه مواضيع حلوه وبتمنى انى اجى هنا علطلول ودا فعلا لان المدونه عاجبنى جدا وكلامها حلو وخدتى موضوع مصر من ناحيه تانيه دى اكتر حاجه شدتينى ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر
ياسبحان الله يادكتورة منار
كان معظمنا قبل الحدث ده ناقمين على كل حاجة في مصر .. وكان فيه وسطينا اللي وصل بيه الامر لكره مصر عشان اللي اللي بيحصل فيها
لكن النهاردة تجمعنا الأزمات على حب مصر
السؤال بقى .. احنا لازم يحصل مصيبة عشان نحب مصر ونتمسك بحبنا ليها
انا بجد حزين
وربنا يعديها على خير
مهزلة مصرية جزائرية بقلم عبد البارى عطوان
تحتل اربع دول عربية المراتب الاولى على قائمة الدول الأكثر فسادا في العالم، اضافة الى افغانستان، حسب منظمة الشفافية الدولية، ولكن لم يخطر في بالنا مطلقا، ان تستخدم انظمتنا الرياضة من اجل تحويل الانظار عن فسادها ودكتاتوريتها القمعية، وبذر بذور الكراهية بين ابناء الأمة الواحدة، مثلما شاهدنا في الايام العشرة السوداء الاخيرة، التي بدأت وانتهت بمباراتي فريقي مصر والجزائر، في تصفيات نهائي كأس العالم الصيف المقبل في جنوب افريقيا.
نحن امام حرب حقيقية، وعمليات تجييش اعلامي ودبلوماسي لم يسبق لها مثيل، وكل هذا من اجل الفوز في مباراة كرة قدم بين فريقي دولتين وشعبين شقيقين، من المفترض ان الفائز من بينهما سيمثل العرب جميعا في هذه المسابقة الكروية الدولية.
عندما قرأت انباء عقد الرئيس حسني مبارك اجتماعا طارئا لاركان دولته، ابتداء من مجلس الوزراء ومرورا بقائد جهاز المخابرات، وانتهاء برئيس هيئة اركان الجيش المصري، تبادر الى ذهني ان مصر على ابواب مواجهة مصيرية مع اعداء الأمة والعقيدة......
باقى المقال فى صفحة الحوادث بالرابط التالى
www.ouregypt.us
اولا انا لم اكتب عن هذا الهرج اطلاقا
ثانيا سألتك بالله عليك
كيف لدولة ذات حضارة وتاريخ لملمت بربرية الجزائريين من الصحاري والكهوف وجعلت لهم كيان ودولة ووضعتها علي خريطة العالم
كيف لها ان تبصق علي أقزام الرجل
السلام عليكم
السلام عليكم
كل عام وانتم والامة الاسلامية
بخير والفة ووحده
ربنا يتقبل منا جميعا
ويغفر لنا ذنوبنا
واسرافنا في امرنا
وما ظلمنا به انفسنا
بصراحة
انا مع انو الي اتضرب يتاخدلو حقو تالت ومتلت
اه كده صح
لانو ممنوع يتهان
بس اننا نعمل فتنه بين شعبين مسلمين ونشتم بعض ده الغلط
تحياتي
معاك حق يا منار
كداالمصري خلاص معدش ليه ثمن في اي مكان
بس اجمل حاجه حصلت هي التوحد على حب الوطن والانتماء في روح واحده
كل سنة وانتى طيبه و يا رب عيد كله سعاده و هنا و طاعة لله تعالى
عيد اضحى سعيد
كل سنه وانتى طيبه ياروح قلبى
عيد سعيد عليكى وعلى الاسرة الكريمه
إرسال تعليق