.jfif)
أنا مضايقه وزعلانه,بقالي كتير مانزلتش بوست جديد.
مش عارفه ليه بجد؟
مع ان الأحداث كتيره هنا جدا.أنا متلخبطه اوي بصراحه وأنا بكتب المره دي
ولأول مره أجي أكتب بوست على المدونه من غير ماأكون مجهزه أنا هاكتب إيه قبلها,,
بوست المره دي فعلا أخر بوست هاكتبه من السعوديه لأن طيارتي يوم الجمعه إن شاء الله وراجعه مصر...
أنا ارتحت هنا جدا وكانت بجد أجازه حلوه على عكس ماتوقعتها...
طبعا مضايقه وزعلانه عشان مسافره وأهلي هنا..
ولأول مره بجد هابعد عن توؤمي محمد لأنه هيفضل هنا مع ماما وبابا...
إزاي مش هاشوفه في الكليه بعد كدا ولا في البيت بجد مش عارفه,,
*****وحشتوني كلكم وبحبكم جدا وبتمنالكم الخير
ومش عايزه حد يزعل على تقصيري في حق الردود على تعليقاتكم او مواضيعكم
****كان نفسي أوي أحضر اللقاء التدويني اللي تم في المنصوره الاسبوع اللي فات
وكان نفسي بجد أحضره من زمااان بس طبعا ماعرفتش.....
إن شاء الله نعمل لقاء تاني في المنصوره....
وهاقوم أظبط الشنط بتاعتي خلاص كل يوم أاجلها وأقول لسه بدري
بس خلاص بدري جه...
(أستودعكم الله جميعا الذي لاتضيع ودائعه)
هناك 21 تعليقًا:
توصلى بالف سلامه
تحيه لاسعه
طول عمرى شايف السعودية ومصر بلد واحدة ...لان المدينة ومكة هما بلادى قبل ما يكونوا بلد ال سعود
مش لازم الواحد علشان يكتب يكون مجهز شئ يكتبه لكن المهم ان هو يكتب
تحياتى ومنورة مصر
ترجعى بالسلامة
تتعوض ان شاء الله فى لقاءات تانية
في حد يزعل انه هيرجع ينور مصر بحالها
لا لا لا
الحالة اللي كتبتي فيها البوست ما تسرش ، لازم و لابد تستقبلي دعواتي ليكي انك ترجعي بألف سلامة
إلا انتي في كلية ايه ؟
و محمد في كلية ايه ؟
و الدنيا ماشية ازاي و ليه ؟
يلاش المود ده يا عمتو علشان كده مش هينفع ، اضحكي ....علشان نعمل لقاء تدويني تاني
اولا ازيك يا منار اخبارك ايييييييييييه
ثانيا تيجي بالسلامة ان شاء الله
ثالثا محدش يجيب سيرة اللقاء قدامي عشان معملش جناية
رابعا ان شاء الله ترجعي و تنورينا تاني عشان انا عاوز اقرالك
جمعك الله وإياهم علي خير ويسر لك السفر وأسعد أيامك
السلام عليكم
ترجعي بالسلامة ان شاء الله
مع تحياتي
ترجعي بألف سلامة
تعالي تعالي السحابة السودة مفتقداكي
دي قاعدة مخصوص علشا تلحقي تاخدي شمتين :)
توصلنا بالسلامه يا منار
وانتى كمان وحشتينا
ومصر مشتاقه ليكى
نورتى مصر
رحلة آمنة وتعودى لمصر بالف سلامة..
نيجى يا حبيبتى بالف سلامه يارب
هتنورى مصر ياقمر
توصل بالسلامه ياقمر
وانا زعلان منك
بس لما تيجى بقي
عشان اعرف اكلمك ومتهربيش
ههههههههههههه
توصلي بالسلامه ان شاء الله
توصلي بالف سلامه
او حمدالله عالسلامه
المفروض تكوني وصلتي
كل واحد وهو راجع بلده بيبقي فرحان جداااا
عشان هيرجع لاهله
لكن في حالتك
راجعه مصر بس هتبعدي عن اهلك
ربنا يرجعهملك بالسلامه
ويجمعك بيهم علي خير
تحياتي
توصلى بالسلامة إن شاء الله
توصلي وتنوري بألف سلامة يا منار
تحياتي
ترجعي مصر بالسلامة ان شاء الله
النهاردة السبت اكيد وصلتي ان شاء الله
واتمنى حياهخ سعيدة هنا
دمتي على خير
الف مبروك لمصر والحمد لله ...
الله .. انا بحب السفر اووووووووووووووي
أكتر حاجة بتجدد روحي اني اسافر وأغير جو
ربنا يقرب البعيد ويجمعك مع كل احبابك طول العمر
تيجى بالف سلامه
ومبروك لمصر
كدا اكيد وصلتى
حمدالله على السلامه:)
ميرسى يا جميلة على كلامك الجميل غلى البلوج بتاعى
اعمليلى اد على الأكونت بتاعى على الفيس بوك
Hoba El Arouba
وفعلا الأحداث كلها حقيقية علشان كدة صدقتيها
منتظراكى
إرسال تعليق