.jfif)
بحلم إني أصطاد سمك...
....مش مهم اصطاد سمك ولا لأ
....ومش مهم السمكه طلعت كبيره ولا صغيره
....مش مهم هي صاحيه ولاميته
...مش مهم هي اصلا سمكه او أي حاجه تانيه ..
المهم انه حلم نفسي احققه من صغري بس للاسف
مااتحققش
************************
بحلم كمان اني أعزف على بيانو من صغري
..وساعات بتخيل نفسي كدا بعزف عليه
..بحبه كدا مع اني ماجربتهوش
مش عارفه عندي احساس ان اللي يعزف عليه دا مش شخص عادي
...يمكن يكون فضول مش اكتر
بس سالت عليه عشان اجيبه مع اني مابعرفشي اعزف عليه
بس لقيته غالي؟؟
المهم إنه حلم نفسي احققه من صغري بس
مااتحققش
******************************
بحلم كمان اني اروح شلا لات وتكون مش اي شلالات
,,عاليه وكبيره ولون اخضر مالي الكون اللي حواليها
,,وتعمل رغاوي كتير لما الميه تنزل من فوق قوي
بس لسه برضو الحلم مااتحققش
******************************
كمان بحلم بحاجه واحده أهم من دا كله
...ومن كل اللي اتكتب
وبتمناها أوي
,,وياعالم
بس لسه برضو الحلم مااتحققش
هناك 27 تعليقًا:
ربنا يحقق كل احلامك قريب باذن الله ومين عارف مش ممكن تتحقق كلها فى يوم واحد ^_^
تلاقى الحلم الاخير اللى ياخدك تصطادى وتعزفى على البيانو وتروحوا الشلالات كمان
ياااااااااارب تحققى كل احلامك يامنار يارب
وربنا يسعد قلبك دايما يارب
اجمل احلامنا هى الاحلام اللى لسه ماتحققتش
تحيه لاسعه
دكتوره منار
إيه الاحلام دي كلها .. دي لو الاحلام عليها ضرايب كان زمانك دخلتي السجن ههههههههههههههه
... كلنا عندنا احلام ولسه ما اتحققتش . بس طالما عايشين يبقى ممكن تتحقق وفيه امل حتى لو صغير ..
ربنا يسعدك وتحققي كل احلامك يارب
يارب يحققلك كل أحلامك :)
يا رب تحققى كل احلامك اللى بتتمنيها
بس احلامك حلوه قوى انا كمان كان نفسى اتعلم على البيانو خصوصا انى بحب الموسيقى جدا
زنفسى بردو اتعلم الرسم لانى بحب الرسم جدا بس للاسف مش بعرف
ازيك يا منار
ربنا يحققلك كل احلامك
ويديكي اكتر من اللي بتحلمي بيه
احلام جميله وبسيطه
بقولك ايه
بالنوسبه للسمكه والشلالات
سيبيهم علي
اما ارجع مصر اعزم المدزنين كلهم علي رحله لبلدنا الفيوووووووووووم
بس معلش الشلالات مش زي اللي في الصوره
بس اهي شلالات وخلاص
د/ منار
ربنا يحققلك كل اللى بتحلمى بيا
بس بالنسبلى الحلم بتاعى
انى ربنا يخدنى على طاعته
دمتى متالقه منار
الصيد ؟؟
عايزه تتعلمي الصبر ؟؟ عايزه تحسي بمتعته انك تفضلي مستنيه حاجه اوي واو ما تلاقيها تبقي عامله زي الطفل اللي بيطنطط من كتر الفرحه ..:)
البيانو ؟؟
نقراته بتأثر فيكي اوي كده .. خلتك تعشقيه من غير ما تجربي مره تلعبي عليه ..:)
امممم
الشلال ؟؟
فعلا .. متعه ما بعدها متعه ،، وعظمة ربنا في حاجه صغيره اوي خالقها ..
بصي
انا لو اتكلمت هرغي كتير ..
يارب يحققلك كل احلامك .. وتوصلي لكل اللي بتتمنيه يا منار :)
ويارب تكوني بخير
تحياتي
ان شاء الله تحققى كل احلامك يا منار
ياه يا منار احلامك جميلة
بس عارفة مهما حققنا احلام كتيرة هتفضل عندنا احلام متحققتش
الاحلام مبتنتهيش
علشان تحققى حلم لازم تخدى خطوة
اول خطوة بتكون اصعب خطوة
اننا نحاول نحقق حلم ونواجه صعوبات
افضل لنا من اننا نفضل نقول كان نفسى احقق حلم ..بس ما تحققش
الحلم بيترسم جوانا عيونا بس هى اللى بتشوفه ..وقلبنا بتؤمن بيه ..وإيمانا بالحلم هو اللى بيقوينا ويرفع من روحنا المعنوية واحنا بنواجه الصعوبات ..
عارفة فيه فيلم اجنبه اسمه (I, Robot)كانت فكرة الفيلم ان الفرق بين الانسانالطبيعى والانسان الالى ان الانسان الطبيعى بيحلم ...
فيه نعمة جميلة اوى ربنا جعلها فى الانسان وهى ...ان الانسان بيحلم .
تحياتى لاحلامك وبالمناسبة لما تحبى تصتادى سمك ابقى حطيلوا فى الصنارة دود مش منجة علشان السمك بيحب الدود ...
تحياتى
ازيك يا دكتورة منار..وحشتني مدونتك اوي
انا كمان نفسي اوي اشوف الشلالات
يارب تحققي كل احلامك قريب وخصوصا الحلم الأخير
يارب تتحقق كل احلامك واحلامنا
وربنا يسعدك ويكرمك يارب
تؤ تؤ تؤ
انا مش دخلا احلم معاكى ولا اعلق ولا حاجه خالص
بس دخلا اقلك وحشتينا يا اختى بقالك فتره غايبه
واول ما ترجعى ترجعى باحلام
استغفر الله العظيم يارب
لاء لاء
المووووووووهم بقا
يارب كده تحقىى كل حلم خير ليكى وربنا يسعدك يارب يا منار يابنت ؟ كملى انتى بقا
ويارب حققلها كل الا تتمناه وانا كمان يارب والنبى يارب
وبس
ازيك يا قمرايا
لسه واخدة جرعة تفائل من كورس تنمية بشرية النهاردة واتكلمنا عن موضوع الأحلام ده
المشكلة اننا بنركز ان احلامنا متحققتش مش بنركز على تحقيق أحلامنا
"مش عارفه عندي احساس ان اللي يعزف عليه دا مش شخص عادي"
يبقى انا شخص مش عادي هههههه وكمان عزفت على الأورج وبحب الاتنين البيانو والأورج :)
وحشتيني
انا اول مرة ازور مدونتك
وبجد انا سعيدة اوى انى هنا
عارفة انك احلامك بسيطة اوى
على الرغم من انها صعبة عليك إلا انها بسيطة ورقيقة
يارب تحققى كل حلم ليك يارب
ربنا يحقق كل أحلامك إن شاء الله
بس عندى سؤال
هو الحلم الأخير دا إنك تلاقى ورد لما تفتحى كتاب اقولك اقتراح حطى وردة فى الكتاب قبلى النوم واقفليه وقومى بالليل وانتى نايمة افتحيه:)
ان شاء الله تحققي كل احلامك يادكتور
بس على فكرة كل الاحلام اللي قولتيها ممكن جدا تتحقق لأنها مش بعيدة ولاصعبة
انما الحلم الاكبر من كل هذه الاحلام واللي انتي مقولتيش لينا عليه .. دا مش عارف ممكن بتحقق امتى !
بس عموما كل الاحلام بتتحقق
ده الواقع .. سواء اتحققت في زمانها او زمان تاني .. وسواء اتحققت بالصورة اللي اتحلمت بيه او لأا
ان شاء الله ربنا يحقق لك كل احلامك ويكتب لك السعادة
دمتي في حفظ الله
احلامك بسيطة وبقليل من الاصرار والصبر تتحقق لانه ليس من بينها حلم مستحيل
حقق الله احلامك قريبا غير بعيد ان شاء الله
مع تحياتي
بحلم أنى أتعلم
العوم نفسى ومنى
عينى أقعد فى البحر
واسيب نفسى وماغرقش:)
حلم بقى اعمل ايه؟
وعلى رأى ايوشة
يارب الحلم الاخير يتحقق
وبالتالى تتحقق معاه باقى الاحلام
ربنا يحققلك كل أحلامك
على فكرة السمك والشلالات ده مشترك أما البيانو فماليش صبر عليه أوي
كان عندي واحد صغير جدا لما كنت طفل كنت بطلع عليه نشاز
:)
تحياتي
اول زياره للمدونه
وخير اللهم اجعله خير حلم جميل
ربنا يحقق لك كل احلامك الجميله
*تحياتي
وحشاااااااااااااانى يامنار
وكل المدونين وحشينى جدا
بليغهم يا منار سلامى وشوقى لهم
ويارب يحقق كل أحلامك
سهوره
( صاحبة مدونة شبه إنسانه )
مش لوحدك اللى عندك احلام ولسه متحققتش
كلنا عندنا احلام وكان نفسنا نحققها وجرينا وراها عمر بحاله عشان تتحقق ومقدرناش
انا واحده زيك من اللى كان نفسهم يحققوا احلامهم البسيطه ومن كتر ماجريت ورا حلمى بقيت نفسى مقطوع ومش قادره اجرى اكتر من كده
لو حققتى احلامك قوليلى
يمكن ارجع احاول تانى
حاسس ببنت صغيره بتخربش على جدار أحلامها وعماله ترسم بخربشتها حلم ورا حلم
جميله أوي يا منار الأحلام دي
ميرسي جدا لأنك رسمتي بأحلامك ابتسامه حلوه أوي محتاجلها حاليا جدا
أخوكي فلافيو
لا بجد والله انا بلاقي نفسي عندك
احلامك دي كلها نفس احلامي بس فيها بعض الاضافات البسيطه
يعني مع(البيانو)..اكون بعرف العب بالية اواي حركات استعراضيه(بحس نها معبره اوي )
ومع(الشلالات)يكون في كوخ صغيور كده اعيش فيه اناوحبيبي..
اما عن حلمك الاخير فأنا الحمد لله حققته ويارب انتي كمان تحققيه ويكون سبب في تحقيق باقي احلامك
يارب فرحها وحقق لها احلامها
إرسال تعليق