.jpg)
كان بقالي كتير ماروحتش المنتزه اللي عندنا في السعوديه.. ومش اقولكم ان المنتزه ده بالذات كان اكتر مكان لازم نروحه اخر الاسبوع من واحنا صغيرين..بس رحته لما حسيت بحاله ملل جتلي من الوحده ومن سفر اخواتي مصر
فاقترحت ع بابا يوديني.ساعتها بابا قالي ياااااااااااااااه دا احنا بقالنا كتير اوي ماروحناش هناك...
دا بقى المدخل اللي في الاول خالص
.jpg)
وده كمان......jpg)
دي بقى النافوره اللي في بتطفي الساعه عشره بليل....معاهم حق الناس برضو الناس عايزه تنام.jpg)
ودي كمان من بعيد...........عارفين بقالي تقريبا سنتين ماروحتهوش بس اول مادخلنا كان الوضع عادي جدا مع اني حسيت حاجه غريبه
تقريبا الناس مابقاش عندها وقت تخرج وتخرج نفسها وتخرج عيالها.....
زمان كان بيبقى زحمه اوي وحيوي جدا...
الوضع ده خلى فكره عياليه استهوتني جدا وركبت دماغي بقى الا العب واتمرجح واطير في الهوا
بابا بقى ضحك ساعتها جدا وقعد يصورني وكشي ورايا بالكاميرا...
بجد(فكرني بايام زمان),
بس سهيله دي بجد طلعت حكايه....بنوته زي القمر ولقيتها قربت مني وفي ايديها بوكيه ورد
على زرع ع حجات كتير المهم انها تكبره وخلاص
في الاول تسالني انتي مابتتكلميش ليه؟
انا بقولها هو في حد هنا اصلا
تقولي معاكي حق
ولقيت نفسي بتلقائيه غريبه بسمع لها ولاسئلتها الغريبه وتفسيراتها الاغرب
الاغرب بقى اني كنت مستمتعه جدا بالكلام معاها
والتزمت الصمت عشان ادي لنفسي وقت اسمعها اكتر
والااغرب كمان ان كلامها عجبني جدا وشدني كمان
شفت فيها انطلاقه رهيبه وامل وتفاؤل
وبسمع ليها ولكلامها وعامله اني مصدقاها وزي مابيقولوا(سايقه الهبل)
**************
لعبنا كتير واتبسطنا كتير وعملنا بوكيه ورد كبير اوي
وطلع السؤال مني ليها
عايزه اما تكبري تطلعي ايه؟؟
تقولي انا لما اكبر هاتجوز
قلتلها تمام وتشتغلي ايه بقى لما تتجوزي
تقولي هاتجوز وكفايه عليا شغلانه واحده
ساعتها تعالت ضحكات هستيريه قويه مني
ودمعت عنيا من كتر الضحك
وقلتلها معاكي حق تصدقي,,,,,
حسيت وقتها ان الامل قال لقلبي ياعم اضحك بقى مافيش حاجه مستاهله
وحسيت ان فعلا كنت محتاجه لقلب سهيله وروح سهيله
....ولمعيله سهيله ولاجمل ابتسامه ف الدنيا لسهيله....
هناك 33 تعليقًا:
ههههههه
خذو الحكمة من افواه الاطفال
هيه صح
اللى تتجوز كفاية عليها الشغلانة دى
هوه الجواز لعبة وللا ايه؟
ههههههه
الواحد احيانا بينطلق مع الاطفال
وبيبقى اكثر سذاجة منهم سواء اما بيسألهم او حتى بيجاوب عليهم
ههه
ربنا يكرمك
واد إنته يا قلب منار
إياك فى يوم تزعل منار
إياك فى يوم تحزن منار
والله أجيلك وأروقك
طول عمرك قلبك طبيب يامنورتى
ويااااااااااااااااارب نتجوز بقى
هههههههههههههه
متقلقيش يا أختى هتفرج والله
بس انتى ارجعى من السعودية هتلاقينى مستنياكى فى المطار بلاستة عرسان واختارى بقى منهم الوظيفه اللى تريحك
تحياتى
سهوره
والله معاها حق كفايه شغل البيت
تحيه لاسعه
تحية لسهيلة هانم
ههههههههههههههههه
هي لخصت المشوار وقالت لك على اللي فيها.. دكتورة وزيرة سفيرة هتتجوزي هتتجوزي مش بإيدك يعني ههههههههههه
والله ما اجملهم الاطفال واللعب معاهم
ربنا يكرمك ويوفقك يادكتورة منار
وتحطي كلام البت سهيلة في دماغك
هههههههههههههه
دمتي في حفظ الله
هههههههههههه
والله اوقات الاطفال بيقولوا كلام احنا منقدرش نقوله
او ميخطرش على بالنا خالص
ياقمر انك اتبسطى وقضيتى يوم جميل
وحشتينى اوى
والله تصدقى معاها حق
بس احنا نكفى الاول بيت زوجنا
واقلك على سر
لو انتى ديقه ولا حاجه كلمينى
هتخنقى اكتر واكتر
انا بس قلبى عليكى
ويا حبيبتى انتى بس لو اديتى فرصه لنفسك فى كل حاجه مش هتوصلى للدرجه الا الاوره طلعتك منها دى
ويارب كده يفرحك على طول
قلى امين بس وانا معاكى
بس
ههههههههههه
يا اختى لو مديقه اى كده تعالى كبمينى
وانتى هتشوفى الا عمركما شفتيه هتتخنقى اكتر وممكن يحصلك حاجه كمان
وكمان يا حبيبتى انتى لو مديه لنفسك فرصه فى كل حاجه مش هتحسى ولا بملل ولا زهت ولا حتته العريس دى ماشى
بس والله النوته عندها حق
احنا بس نكافى بيتنا كويس وربنا يقدرنا بقا ان شاء الله بس تنفك العنوسه دى الاول
ويارب كده يسعد اياك على طول يا منار
بس
تعرفي يا منوري
انا نفسي لما اتزوج اقعد في البيت
بجد .. انا تعبت شغل
it is time to rest
السلام عليكم
ازيك يا منار
عاملة ايه
ومبترحيش المنتزه ليه
يبنتي اخرجي واتفسحي
بس بجد سهيلة بتفهم
ربنا يخليها لاهلها
سمسم / سما
السلام عليكم
ازيك يا منورة يارب تكونى بخير
هههههههههههههههههههههه
والله البت سهيله دى تجنن صح كده كفايه
عليها شغلانه واحده
ربنا يسعد قلبك يارب
خلاص
أنا هاتجوز واقعد في البيت .. اشمعنه سهيله يعني
D:
ايه دا ايه دا الحاجات الجميله دى
الصور جميله قوى قوى
بس المهم بقى
البنت دى بتفكر صح جدا جدا
عارفه احنا مش بنهمش دور البنت فى المجتمع
بس برضه البيت والاسره اهم دور للبنت دى فى الحياه
سهيلة عسولة
متلقنة الدرس تمام
بس للأسف الدرس اولا ناقص كتير والأيام ها تكمله لها
بس والله عسل
بما اني ها اتجوز
اذا انا مورتاح كده انا مبسوط كده
هههههههههههههههههههههه
تحياتي
ههههههههههههه
على رايها كفايه عليها شغلانه واحده
ههههههههه
لا بجد سهيله دى عسل
ربنا يديم سعادتك يا منار يا قمر
هههههههههههه
ما اجمل براءه هذه الطفله
احاسيس جميله
اتمنى دوام التواصل
طب هو ده
هى دى الناس اللى بتفهم
عتجوز ليه
مادام هتشتغل
يووووووووه
العكس
بس شوفتى
ناس عامله حسابها
يبقى البنت بقى بتشقى وتتعب وتاخد الشهاده
وده مش عيب
بس مش بتستعملها
حاجه تغيظ
يبقى احسن للى عامله حسابها على الجواز
تخش معهد سنتين
وتتفرغ لتحضيرات الجواز
بس
وبنقول اسفين يا منار بس وربنا النت كان زباله
وظروفى كانت زباله
والدراسه كومه زباله
الحسنه الوحيده
انى خلاص
هنتحر بكره
هههههههههههههههه
الدراسه صحيح هندسه يا ستى
عندى اربع ايام من اصل سته
بحضرهم
من تسعه الصبح لسبعه بليل
واروح بيتنا من الكليه
لحد بيتنا
فى ساعه وشويه
مواصلات
بس
شوفتى القهر
ادعيلى بقى
وبحب اهدى كل شئ للحاج احمد
والحاج محمود
والست سناء بتاعه الفيزيا
اللى عمرى ما فهمت منها حاجه
وكانوا تلاته حالا
بقوا خماشر
فل
وانا اعترض على كل من تسول له نفسه
ان يقول
العلم نور
لان الكهربا غليت يا اولاد اللذينه
وهتبقى بكروت شحن
عفوا لقد نفدت كهربتكم
يرجى شحن عدادكم
واعاده كتابه التعليق
تيت تيت تيت تيت تيت
اول مره ازور البلوج دي بس بجد لذيذه وكلامك بجد يدخل القلب
الجواز مش لعبه الجواز مسؤليه وماادرانا ماهي المسؤليه
هههه لانعرف عنها شيء
ان شالله مش هتكون اخر مره ازور فيها البلوج وان شالله تتكرر
تحياتي(خوخه)
اللهم استر بنات المسلمين جميعا
زابعد عنهم الوساوس اللتي تتولد من اختلاف الاجيال
موضوعك جميل جدا
تسلم ايدك
مهى وجهة نظر برده
قد تكون وجهة نظرها مضحكة ولكنها نابعة من براءة وأفكار حرة ..
اضحك الله سنك
الصراحهسهيله عندها حق اشتغل ليه مادام هتجوز
وبجد هى اصعب شغلانه وهى تربية الاولاد
دمتى رائعه
يااااااااااااه فكرتيني بالمراجيح والملاهي
نفسي جدا ارجعلها من تاني
:)
نيجي بقى لحدوتة البنت الصغيرة
‘جابتها بالطريقة دي في السن ده مالهاش غير معنى واحد وهو أننا بنقتل أي طموح في البنت من طفولتها وبنحسسها دائما بأنها كائن ناقص لا يكتمل إلا بوجود الرجل وده بسبب العديد من الموروثات الذكورية في المجتمع
ليه منعلمهاش يبقى عندها كومح وتبقى عاوزة تشتغل وتنجح وتتفوق في المجال اللي هبي بتبحه وبعد كده ممكن الجواز يكون مجرد خطوة في حياتهامتعطلهاش عن بناء مجدها الشخصي
تحياتي
بحب اوي ادخل مدونتك لانها بتفكرني باحلي ايام حياتي في السعوديه ..
عرفه ان احنا كمان كنا لازم كل خميس وجمعه ننزل الحديقه ونلعب ونتمرجح
يابختك والله انا نفسي اركب المرجيحه اوي..يارتني كنت معاكي :)
اما بقه سهيله العسوله دي فبجد كلمها صح لو كل واحده فكرت في الشغلانه دي مكنش الشباب قعدوا علي القهوه من غير شغل ..بيت جوزك اولى بيكي هههههههههههه
عارفه مصيرها
مسدس صغير
صلاح مرورك اسعدني جدا
سهوره
فينك ياحبي
وحشني كلامك يابت اوي
بس بقولك دسته عرسان كتير برضو
نخلي شويه للناس برضو
وحشااني مدونتك اوي
لاسع افندي
مرور لاسع منك
تحيه لاسعه مردوده لشخصك اللاسع
قلم رصاص
كلام جميل جدا
مااقدرشي ازعل منه طبعا
بس انا عارفه عايزينا نخلي الوظايف ليكو
ماشي ياعم رصاص
الارزاق برضو ع الله
حنين
ايه ياحنونه ياقمرايه وحشاااني اكتر
احلى مرور منك ياجميله
ربنا يكرمك دايما
بنت قلبي
مش مضاااايقه خالص ع فكره
بتحبيني اوي شكلك يابنوته
يارب اسمع خبر عنك مستنياه بقى
ساره
ياسرسورتي ياحبيبه قلبي
يارب تكوني بخير ياااارب
مرسي جدا ع المرور الدائم
مدونون من اجل الاقصى
ههههههههههههههههه
بروح المنتزه وبخرج والكلام اللي كاتباه ده كله كان في المنتزه
اول مرور وليا زياره حاليا لسمسم
إرسال تعليق