.jfif)
انا اترددت اوي بصراحه اكتب البوست ده..بس لما لقيت البوست اللي فات كل الردود
اللي فيه طالبه كدا.حاولت اكتب عن نفسي حاجه .واكتشفت حاجه مهمه..
ان الانسان ممكن يكتب كتير اوي في كل حاجه..بس يجي على نفسه مايعرفشي يكتب ايه؟؟
يمكن عشان الانسان مابيبقاش شايف نفسه زي مالناس شايفاه...
اسيبكم..................................................
يمكن الــــــــــــنهارده
انا هاعمل حاجه غريبه
زي ماوعدتكوا زمـــان
هاحكيلكوا حكايه طويله
عن واحده اسمها منــار؟
......................................
متردده اوي وخايـــفه
وهي بتكتــــــب الكلام
ومش عارفه تكتب ايه؟
في بالها كلام كتـــــير
عايزه تقوله وتحـــكيه
بس مش حابه الإختصار
.......................................
ببســاطه شديده جدا
منار عاشـــت زمان
بعيد خالص عن مصر
بس كانت بتحلم دايما
بالليوم اللي تنزل فيه
...............................
وطول ماهي بعيد
بصراحه ياجماعه
منار عمرها ماحست
بقيمه الصداقه؟؟؟
..................................
ونزلت مصر ولقيت
أصحاب كتير اوي..
وكمان مش عارفه عددهم
وربنا يديم صداقتهم..
.............................
ظهرت(لارا) و(ليالي)
وعشان خاطر المره دي
هاقول على الأسامي
(لارا) دي تبقى ساره
و(ليالي)دي تبقى أماني
................................
حبيتهم اوي والله
لأنهم فعلا كويسين
وفضلنا سنين وسنين
ولحد االآن مع بعض
بتحصل مشاكل اه
بنتخانق كتــــــير لا
ويارب مايجي وقت
علينا ونسيــــب بعض
................................
مشكلــتي اني أذاكر
وكل مانوي أذاكــــر
الاقي مليون شـــغله
او اتلكك كتير واقوم
اعمل اي عمــــــــله
اهم حاجــــــــه عندي
(مااقعدشي كتير على الماده)
..................................
بيقولوا عليا طيبه
وكمان على نياتي
مش عارفه دي حاجه كويسه
ولا بلاش تكون في حيـــــاتي
.................................
كمــــــان أنا كـتومه
وده مضايق اصحابي
فاكريــنه قــله ثقــــه
أوحد تاني في حياتي
بس أنــــــا والله ابدا
ويارب يقروا كلامي
أنا بس شايــــــفه ده
أريح أوي لأاحزاني
..................................
فكرت في مره أحب
وياريتني مافكرت
طلع تفكيري غلط
ولقيت نفسي اتسرعت
وخلصت الحكايه كالعاده
وزعلت عليها واتاُثرت
...................................
ولقيتــــني أخدت قرار
خلاص مش عايزه أحب
ولاعايزه أعيش في نــــار
ولاعايزه تانــــــي أحب
أنا نفســي في يوم أتحب
.............................
وعدى وقت طويــــل
وانا فيه على قد كلامي
لحد ماقابلـــته صدفه
حسيت إني عايشه تاني
ولقــــيته بدون مايقصد
لخبطني وشقـلب كياني
.................................
وكان عندي أمل كبير
تنور شمعه حياتي
واسيب خلاص الضلمه
وارجع أعيش من تاني
........................................
لكن كالعاده البحته
اتكرر المشهد تاني
لقيت نفسي بحب
ومش لاقيه طرف تاني
........................................
والأصعب في كل ده؟
مطلوب مني أكبَر
وانسى ومااحطش في بالي
وأد إيه صعب عليا
أتعامل كدا مع صديق
(كان عندي في يوم غالي)
...............................................
وطلعت الحقيقه
إني عمري مافكرت دقيقه
اكتب كلام كدا......
يمكن عشان ببقى خايفه
او يمكن عشان ماجاتشي مناسبه
بس عشان خاطر الغلابه
هاكمل الدباجه
وأقول يارب يكون
كلامي كله عجبكم
وياريت افضل علطول
حد كويس في حياتكم
ومرسي أوي لوقتكم
ومستنيه كمان ردكم
الشباك خلاص مفتوح لكم
قولوا براحتكم وعبروا
وقولولي ايه رايكم؟
أنا طلعت إيه في ظنكم؟
............................................
بس ماتنسوش وانتوا طالعين
تقفلوا الشباك وراكم مرتين.....
هناك 26 تعليقًا:
منار انسانه طيبه وهتلاقى الانسان اللى يقدر طيبتها دى
صداقتها هتدوم ان شاء الله لان اكيد اصحابها طيبين زيها
عاشت بعيد صحيح ودا مخليها بتحب العزله شويه
وبتحب اصحابها قوى
وبتتمنى حب كبير قوى
يبقى ليها وطنها
انا هوارب الشباك
ومش هقفله
لان لسه الامل موجود
ولسه النسمه الجميله محتاجه تدخل بابك
بسم الله
بجد
ربنا يكرمك ويكرم منار
مش عارف اقول ايه
هفكر واجي اقول
ده اول تعليق ده والا ايه
في هذا البوست
غفل الشاعر المهتم باللغه المدعو : فلافيو عن كل ما يتعلق بالشعر وبالكتابه وباللغه العربيه عموما
والتفت جادا إلى ذلك الكائن الذي يعبر عن نفسه المدعو : منار .. والذي ظهر بشده من خلال هذا البوست أنه محتاج إلى إعادة إستكشاف مرة أخرى من خلال قراءة البوست مرات ومرات
هذا وكانت تلك آخر انباؤنا وسنوافيكم بنشرة وافية للأنباء بعد آذان الفجر الذي حان موعده الآن في مدينة المحله وعلى السادة المقيمين خارجها مراعاة فروق التوقيت
على فكره انا كنت مبسوطه اوي اوي وانا بقرا
البوست ده..
بجد يامنار انتي انسانه طيبه اوي اوي
ومش بقول كدا عشان انا صاحبتك
بس انا فعلا عارفه ان قلبك كبير اوي
وياما بتبقي زعلانه ومش بتقولي والأغرب كمان
لما تعرفي حد فينا زعلان لازم تساليه ليه وتتكلمي معاه...
انا فعلا من ساعه لما اتخرجت وانا مفتقداكي جدا جدا
ليالي ولارا ناس كويسين اوي حافظوا على علاقتكم
موضوع بقى المذاكره دي فإنتي معاكي حق اوي
انا كنت بستغرب بامانه ازاي بتجيبي تقدير وانا شايفاكي كدا....
اكيد هتقولي الله اكبر
بس انا بهزر يامنور
ابقي رنيلي يادكتوره علطول
منار
دايما منوره كده يارب
اجمل حاجه في الدنيا ان الواحد يلاقي اصحاب
يحبهم ويحبوه
لكن الحبيب دا مش لازم الواحد يستعجل عليه
هو بييجي لوحده
بسم الله
منار دى أول مره أعلق فى مدونتك الجميله
والحمد لله ان أول مره هعلق على موضوع بيتكلم عنك
وعن حياتك
عشان أكون عارف مين اللى هقرأ ليها
ومين اللى هكتب تعليق فيها
ومين اللى ان شاء الله هتزور مدونتى وتكتبلى تعليق عليها
منار بجد أنتى انسانه رقيقه جدا
وربنا يكرمك يارب ويحقق كل أمانيكى
وتقبلى منى كل التحيه والتقدير
الشاعر الحزين علاء الدين
السلام عليكم ورحمه الله
منوره ياحلى منوره في الدنيا
وحشاني اوي اوي
بقيت بستنى بوستاتك دايما عشان اقراها وارد عليها
انتي كتبتي كل حاجه يامنوره
وصدقيني انتي فيكي جوانب كتيره اوي اوي انتي مش واخده بالك منها
انتي مرحه اوي يامنار ودمك خفيف وده اللي الناس ماتعرفوش
انا ببقى مبسوطه اوي لما ببقى قاعده معاكي
ومهما كان الامتحان صعب او كنا متوترين قبل الامتحان لازم كنت ادور عليكي عشان اريح نفسي عندك..وصدقيني لما كنت بجيلك في السعوديه ونذاكر سوا ببقى فرحانه اوي وبتبسط اوي عندكم
ربنا يحققلك اللي بالك كله يامنوره
ويخليكي ليا ياااااااااااااارب
ايام زمان
romancy
بشكرك جدا جدا على ردك الرائع
كويس كمان تفسيرك اللي انت كتبته ده
اجمل مافي كتاباتك بجد انك متفائل
ادام الله عليك هذه النعمه
وبشكر مره تانيه مرورك عندي
د/خالد امين
انت كدا اخدت وقت طويل اوي في التفكير
مرسي اوي اوي لمروك
flavio
ربنا يسامحك
المره اللي فاتت اخطاء نحويه
والمره دي لغه عربيه...
وبجد اول مره اشوف نشره انباء الفجر
شكلها بقت عندكم في المحله كدا
مرسي اوي اوي على مرورك
علا عبد العزيز
انت زي القمر والله ياعلا
ربنا يخليكي ليا يارب ويكرمك ويوفقك في المشروع الجديد
ونفضل اصحاب كدا علطول
ابو العريف
تعجبني كتاباتك دايما
وبشكر مروك الدائم عندي
الشاعر الحزين
اسعدني جدا مرورك الاول في مدونتي
ويارب مايبقى اخر مره
واشوف ردودك عندي دايما
انت انسان رائع فعلا
ومدونتك زرتها واعجبتني جدا
ايام زمان
انا والله كمان بحبك قد مانتي حاباني واكتر كمان
وايام السعوديه فعلا كانت ايام جميله وعمرها ماتتعوض
ويارب اي بوست انزله يعجبك دايما
والكلام اللي انتي كتبتيه لانك قلبك ابيض
وملاك من جوا
ربنا يحققلك كل امانيكي
يارب يسامحنا كلنا
بس لو فهمتي كلامي كويس هتعرفي إني أعجبت بكلامك عن نفسك ونقدك لذاتك .. حاجه مش كتير بيعرفوا يعملوها
ولا كتير بيعرفوا ينشروا نقدهم لنفسهم قدام الناس وبيفضلوا انهم يخلوه جواهم ويحاولوا يتغيروا في صمت
أتمنى لك كل السعاده والتوفيق
كل الود
السلام عليكم ورحمة الله وبركاتة
كلامك جميل اوى
وحسيت بيكى وبقصة حياتك يا منار
بس احب اقولك اللى يبص على شباك غيرة يهون علية شباكة
واللى تعرف احزان غيرها اكيد هيقول الحمد لله على اللى احنا فية
وربنا يخليلك ليالى ولارا
ويديم بينكو المحبة
تقبلى مرورى يا قمراية
منوره حبيبتى
عامله ايه ياقمر
ليكى وحشه كبيره
بس انا زعلانه منك رديت على كل الناس الا انا
المهم خلينا فى البوست
قليل جدا تلاقى حد بيعبر عن نفسه بالرقه دى
ولأنك بطبعك حد رقيق جدا
عبرتى عن منار بصورة لطيفه
وده نايس جدا
أدام الله عليكى رقه منار وحلاوة قلبها
سهوره
وايييييييييييييييه..
كلام جميل
كلام معقول
مقدرش اقول
حاجة عنه.
بوست جميل
فيه حكاية بطريقة ظريفة وحلوة
احييكى عليه
حبيبتي انتى رقيقة خالص وجميلة وطيبة
سيبك من اللي يعكر عليكي حياتك
خليك اكبر منالحزن يصغر قدامك
انت سكر
السلام عليكم
ياريت تقبلي دعوتي للمشاركة معانا في مجلة رؤية مصرية والكتابة في أعدادها وكمان الإنضمام لفريق تحريرها
ياريت تردي عليا في أقرب فرصة
بريد المجلة
ibrahemaladawy@gmail.com
واللينك بتاع المجلة أهو
http://roayahmg.blogspot.com/
مودتي
البوست دة جمييييييييييل اوى
وطريقته تحفة
ومنار دى حد طيب اوى
وان شاء الله تكون حياتك القادمة افضل
البوست ده رقيق اوى:D
سلااااااااااااام ومنستش قفلت الشباك وراى
مناااااااار
ايوة كدة اتكلمي عن نفسك ما تخبيش ولا تتكسفيش
وربنا يارب يديم صحوبيتك انتي ولارا وليالي
و تبقي دكتورة كبيرة قد الدنيا وتلاقي فارس احلامك اللي يخطفك من الدنيا ويعيشك احلى عيشة في الدنيا
اي خدمة حزمة دعاوي اهي
وآآآآدي الشباك
طرااااااااخ
miro el niro kwaniro
جميل اوى يامنار وبجد مش كتير فاهم نفسه كدا
بخصوص اصحابك ربنا يدمها عليكو نعمه انتو بجد ناس هايله فى كل حاجه ادب واخلاق ودم ذى العسل
اما الحب اللى طول عمرنا هنعيش واحنا بندور عليه اكيد هيجى فى يوم من الايام لانه اكيد موجود واكيد ربنا خلقه خلاص يمكن لسه ماشوفنهوش مااقابلنهوش ماكلمنهوش بس اكيد هيجى يوم وهيكون اجمل يوم لما يقول بحبك يامنار لانك بجد تستاهلى
بسم الله الرحمن الرحيم
أنا بجد مبهورة ماشاء الله ولاحول ولا قوة الا بالله
لأنى يا منورة لسة عارفاكى من يوم 11/4
يعنى حوالى 18 يوم وتوسمت فيكى الرقة وجمال الروح والطباع وسبحان الله دخلتى على قلبى كدة من غير مقدمات وكمان تفاجئينى بالكلام الرائع والأسلوب البديع دة والله مش بجاملك بس ربنا يباركلك يا حبيبة قلبى بجد وتعبيرك عن نفسك جميل أوى ومؤثر
وياااارب يديم صداقتنا وتزيد باذن الله وربنا يخليلك سارة وأمانى وان شاء الله يكرمك المولى بالحبيب الزوج الصالح والذرية الصالحة وتكونى أسعد الناس
الطائر الحزين
بجد عجبني اوي الكومنت
بس لو اعرف انتي مين يكون احسن بكتير...
بس انا مش فاكره يوم14 كان ايه بصراحه؟؟؟
بس اكيد هدور وهاعرف هاعرف
ههههههههههههه
ايا كان دمتي صديقتي
واجاب الله الدعاء
االطائر الحزين
منى بجد انتي نورتيني والله
طيب مش تقولي كنا نجيب حاجه ساقعه
انتي الاجمل ياحبيبه قلبي
مبسوطه اوي ان المدونه عجبتك
ويارب ان شاء الله نفضل اصحاب دايما ياعمري
إرسال تعليق