بينــي وبيــنك..

(كل ماتجمع بيني وبينك)

نظره عين

شوق وحنين

باين في عيونا

حسينه لو مش شايفينه

.

حاسس بالشوق اللي مابينا

حاسس بينا

.

عايش ع الذكرى اللي مابينا

وعايش لينا

.

(بتمــنى)

.

لو بس يموت..الوقت مابينا

بس ساعتها

وتقف اللحظه

وقت ماتخطف إيدي في إيدك

وتدوبها

في وقت مايصحى الشوق النايم

جوا قلوبنا

وتطرح فرحه متخبيه

جوا عيونا

.

(بس ساعتها)

.

هيحلف قلبي ألف يمين

مهما تفوت أيام وسنين

إنه هيفضل عمره الباقي

مجنون وأسير

عايش ع الشوق اللي مابينا

عايش فــــــــــــيك

ونفسه يكمل عمره الباقي

دايب فيـــــــــــك

.

.

(إنت لقلبي عملتله إيه؟؟

(حاسس بيك علطول كدا ليه؟؟

لمسه إيدك

نظره عينك

خوفي عليك

وعشقي أنا ليك

.

وقت مايصحى جوا هوايا

مليون قلب يفكر فيك

.

ووقت ماينده عايزك جنبي

مليون حضن دايب فيك

.

.قلبي أنا قالها قبل عنيا

إنت مليت الدنيا عليا

وأنا وياك للدنيا هاقول

مهما هتاخدي ومهما هاطول

أنا مش عايزه إلا قصادي

(تفضل ليا حبيـــــب علطول)