انا داخله النهارده اكتب بس بصراحه مش عارفه اكتب ايه؟؟
في بالي كلام وحجات كتيره....
خلوني الاول اقولكم كلكم كل سنه وانتم طيبين ويارب دايما تكونو بخير...
*********************
كنت وانا صغيره غريبه جدا....كان تفكيري اني اهم حاجه عندي ماحدش يزعقلي مهما كانت الغلطه اللي عملتها
يعني انا كنت بحاول على قد مااقدر مااعملشي الغلط ولو عملته يبقى لازم اصححه بسرعه جدا مش عشان انه غلط وقتها
عشان ماحدش ياخد باله ويزعقلي بسبب كدا.......
**********************
ماما بتحكيلي على موقف انا ومحمد (توؤمي )اتخانقنا عليه واحنا عندنا يادوب سنتين وقت ماسمعنا الاذآن في التلفزيون
وانا طبعا وقتها زعلت جدا إن ازاي المؤذن يقول ( اشهد ان محمد رسول الله )وانا اتخانق مع محمد وقتها
واعيط واقوله (منار رسول الله) - بدون تعليق-
*********************
وانا صغيره بلاقي نفسي غصب عني لو حاجه ماعجبتنيش لازم اتريقأ عليها ودي حاجه غلط طبعا ومضايقاني..
بس باخد جزاتي فيها..يعني مره كنت سمعت طفل صغير عمال بيصرخ في الشارع وواقف يعيط
وجوا هدومه حشره كبيره وماحدش قادر يشيلها....
انا وقتها اتريقات عليه في سري طبعا بس مش فاكره قلت ايه...المهم بعدها بكام يوم قمت من النوم مفزوعه عشان صرصار كبيركان دخل هدومه ولقيته نايم جوا كمي....جايز كان بردان؟؟؟
*********************
مش عارفه ليه دايما الام والاب بيحبوا يكرروا كلامهم دايما...مع انهم لو قالوا الكلمه مره واحده اكيد احنا بنسمع من اول مره..يعني مثلا لو بابا قالي منار ماتسهريش كتير...حاضر يابابا...كل مايشوفني قدامه في البيت لازم يتكرر الكلام ماتسهريش يامنار.....انا بقى بتنرفز بسرعه من كدا ودايما يكون تبرير الاجابه احنا خايفين عليكم يعني هيا دي جزاتنا؟؟؟
هي فلسفه غريبه فعلا عند معظم الاباء والامهات ان ماكانشي الكل ....مش فاهمالها سبب.....
************************
سمعت امبارح جمله عجبتني جدا في التلفزيون ,,الجمله مش غريبه عليا بس امبارح حسيت كاني اول مره اسمعها
((الحب بيعوضنا عن الاصحاب بس عمر الصحاب مايعوضونا عن الحب))
**********************
ليه هنا في السعوديه الاقي كل الناس اللي بيصلوا في المسجد بيغطوا وشهمم باكبر كميه من الغطا عشان ماحدش يشوفهم
لدرجه اني ساعات بصلي جنب اي واحده وتعدي الصلاه وانا مااعرفشي شكلها مع ان المسجد طبعا كله للستات بس....
وسمعتها من واحده هنا انها بتصلي التراويح في البيت عشان ماتروحشي الجامع وحد يشوفها....
ليه؟؟؟؟
هو احنا بنعمل حاجه غلط؟؟؟
ليه الشيطان بيتسلط على بعضنا ونجهر بالمعصيه ونفتكرها مفاخره وتباهي باننا بنعمل حاجه غلط
ووقت مانعمل حاجه صح:::
بنستخبى؟؟؟؟
دا مالوش دعوه خالص طبعا بالرياء....الرياء مش في اننا نصلي والناس تشوفنا....
********************
اعذروني
البوست طول مني غصب عني.....
هناك 27 تعليقًا:
اول تعليق لمنار هانم ياهلا بيكى
يارب يكون اللى فات اول تعليق ماعلينا تسلم ايدك على البوست الرائع ده بصراحه دماغكة فيها حاجات كتير اوى حاولى تركزى فى الكتابه وهتبقى مبدعه اكثر مانتى مبدعه يامنار تسلم ايدك بجد وافكارك حلوه والله تحياتى
محمد
خرفى ولا يهمك...احنا سامعين
خرفى ولا يهمك ...كلنا لاسعين
تحيه لاسعه
عجبنى البوست جداااااااااااا
انا اول مره ادخل مدونتك ومش هتكون الاخيره
شكرا لاستمتاعى بكلامك
منار حبيبتى
بصى ياقمر
دايما الانسان بطبعه ميحبش الملل
واحنا اوقات كتير بنشوف ان تكرار اهالينا لكلامهم هو نوع من الملل احنا مش بنحبه خاصة اذا كنا كبرنا وبنقول لنفسنا احنا مش صغيرين وعارفين مصلحتنا فين
اما للشيطان فهو هيفضل معانا لحد الموت
عارفه رمضان ده كنت بصلى ف جامع البنات هناك بتلبس اللى مايسترش بقدر الامكان عكس الناس عندك يعنى
لدرجة انى بصلى ف البيت دلوقتى
وعارفه اما كنت اسال ليه كده يقولولى ده شيطان وبيوسوسلها
اروح اقول يا جماعه طاب ازاى والشياطين بتتسلسل ف رمضان
وبطلا اسال
حياتنا كده ولازمن نقبلها على كده
انتى مقريتيش بوستى الاخير ف مدونتى التانيه
يعنى لازم اقفل مدونة القصص عشان تيجوا تعلقوا ف المدونه اللى بحبها
:(
مستنياكى
الستات بتغطي نفسها في السعودية علشان بيخافوا يا ستي من الحسد
بيخافوا خوف هستيري يصل لدرجة الخرافة المرضية
وتخاريفك لذيذة كل سنة وانتي طيبة يا منار
البوست جميل قوى يا منار بس فى تعليق صغنون قوى على جمله
الحب بيعوضنا عن الاصحاب بس عمر الصحاب مايعوضونا عن الحب
عمر الحب ما بيعوضنا عن الاصحاب
هو طبعا الانسان اللى هحبه دا هيكون اخويا وصاحبى وحبيبى وكل حاجه
بس بردو منقدرش نستغنى عن الاصحاب
معلش يا قمرى طولت عليكى
كل سنه وانتى طيبه
عيد سعيد عليكى وعلى كل حبايبك يا رب
جميل اوى البوست
كل سنة وانتى طيبة
فلسفة الاباء اتعودو ليها بسبب ان الابناء مش بينفذوا الاوامر على طول
لابد من التكرار
اما بالنسبة للجملة بتاعة ان الاصحاب مش بيعوضوا عن الحب فدى صح ميه فى المية
كل البوست مواقف حلوة خاصة بتاع اشهد ان محمدا رسول الله موقف طفولة برئ جميل
ههههههه
احييكى على البوست
ازيك يامنار
عامله ايه
كل سنه وانتى طيبه
حلوجدا انك فاكره ذكريات طفولتك وده اكيد لانها جميله انا مش فاكر كتير في طفولتى وده لانى مش عاوز افتكر اصلا
اما بقي موضوع بابا وماما ده العادى بتاع الاباء عادى كبري دماغك وكلمه حاضر بتريح
كل سنه وانتى طيبه مره تانيه
وعيد سعيد
يا حبيبى يا منار فينك ياقمر وحشانى
ومش بقيتى تيجى البلوج عندى انا زعلانه منك
ايه مش بتسالى ليه علينا
يارب تكونى بخير يارب
كلامك صح فى البوست وعجبنى جدا
خاصه تكرار الاب والام لكلامهم
هما بيخافوا علينا ومن خوفهم ممكن يعاملونا غلط
ربنا يوفقك يارب
دمتى سعيده
حنين
كل سنه وانتي طيبه
حلو اوي موضوع الخناقه بتاعة الأذان ديه
ههههههه
برااااااااءه ديه ولا ايه يعني
هههههه
*****
((الحب بيعوضنا عن الاصحاب بس عمر الصحاب مايعوضونا عن الحب))
اختلفت واتفقت وبعيد رجعت اختلفت وفي الآخر زادت حيرتي, ياترى الجمله ديه صخ ولا غلط
حلوه التخاريف دى يامنار
وانا كمان نفسى افهم ليه الاباء بيصروا انهم يعيدوا الكلمه مره واتنين ومليون
لو عرفتى ابقى فهمينى
لانها مالهاش دعوه ابدا بالخوف علينا
اولا إزيك يا منار؟
كل سنه وانتي طيبه يارب وبصحه وخير وسعاده
موضوعك مش تخاريف خالص دي فضفضه جميله اكيد ارتحتي بعد ما كتبتيها
جملة لفتت نظري هي " الحب يعوضنا عن الصحاب و لكن الصحاب لا يعوضزنا عن الحب " دي حقيقه فعلا يا منار
اما الافعال اللي بنعملها واحنا صغيرين بتكون كلها قلة علم وخبره
و لما بنكبر ونتعلم اكيد بنتحسن
و الاباء والامهات كلهم كده لو يطولو يكونوا مع ولادهم في كل خطوه هيكونوا
وده طبعا من حبهم وانتي لما تكوني ام خوفك على ولادك هيكون كده
انا اسف جدا يا منار الرد طول قوي بس انتي اللي كلامك حلو
يارب يسعدك ديما
تقبلي مروري وتحياتي
حبيبة قلبى
مناااااااااااااااااااار
وحشااااااانى جدا ياقمر
طول غيابك عنى
مش كفايه كده بقى
انا هستناكى فى المطار من دلوقتى
انتى تقولى اللى انتى عايزاه
ومن حقك المدونة دى براح لنا
نقول فيها اللى احنا عايزنه
ومهما كان تخريفك ياحبيبة قلبى
ولا يهمك
القطن هنا كتيررررررررر
ههههههههه
تحياتى ياقمراية
سهووووووووره
مش تخاريف ابداً
دا كلام موزون
وموزون جداً
كمـــــــــان.
تخاريف سكر سكر سكر بجد يامنانير
والله كنت هموت عليكي من الضحك
وحشاني أوي
هترجعوا من السعوديه امتى؟؟
على فكرة انا لما كنت في السعوديه
مكانوش الستات بيغطوا وشهم بالعكس بيخلعوا النقاب في الجامع
مش عارفه بأه البلد اللي انتوا فيها نظامها غريب كدا ليه
عموما
النتيجة بتاعة التنسيق ظهرت ومش عارفه اجيبها(:
الموقع بيطلب مني رقم جلوس وأنا معنديش رقم جلوس اساسا
هههههههههههههه
يلا خير
اكيد هعرفها دعواتك
اممممووووووووووااااااه
جاوبتى على حاجة كانت محيرنى يامنار
اصل كل مااقول للواد احمد ابنى
حاجة واكررها حتى ولو مرة واحدة
يبص لى ويقولى خلاص سمعت سمعت
اتارى بقى انكم بتتضايقوا من التكرار
طب مش حنكرر ويارب الكلام يتسمع
التخاريف جميلة ومسلية وكويس ان ستيتة
جاوبت علة موضوع نساء السعودية
علشان بنتى برضه كانت مستغربة
من هذه الظاهرة ربنا يهديهم ويصلح حالهم
كل سنة وانتى طيبة ياقمر
السلام عليكم ورحمة الله وبركاته
كيف حالكم دكتورة منار؟
عسى ان تكوني بكل خير ان شاء الله
تخاريف في قمة الفلسفة
دمتي في ابداع
لفت نظري جزئية تكرار الاباء للنصيحة او الاوامر للابناء .. دي طبيعة بشرية وخصوصا مصرية وبشوفها كتير واتفق مع مسدس في ان السبب هو عدم استجابة الابناء للنصيحة بسرعة فبالتالي تلاقي الاب والام يكرروا النصيحة او التوجيه.
وعجبني اكتر حتة الأدان ههههههههه
منار رسول الله ازاي بقى .. دا انتي باين كنتي طفلة فظيعه هههههههههههه
دمتي على خير وكل سنة وانتي طيبة
في حفظ الله
كل سنة وانتى طيبة
احساسات الطفولة احساسات نتمنى نعيشها
تانى
موضوع النقاب فى السعودية مش وحش بس فى حاجة الاسراف فى الشىء دائما مايقلب ضد
الغريب ان الست دى اللى خايفة تروح الجامع ومش عاطية فرصة للى جمبها انها تعرفها كان بتعمل غلط
ده بعيد جدا عن التدين
عموما دمتى مبدعة يامنار
مصرى دائما
السلام عليكم ورحمة الله وبركاته
صوما مقبولا وافطارا شهيا
عيد سعيد اعاده الله عليكم بالخير واليمن والبركات
كل عام وانتم بخير
كل عام وانتى طيبة يا منار
اجمل التهاني وارق الاماني بحلول عيد الفطر المبارك
اعاده الله عليكم وعلينا بالخير واليمن والبركات
راجين من الله ان يديم علينا الاعياد والايام السعيدة
وان تستمر اعيادنا لابد
كل عام وانتم بخير
الحــ ــزين
علشان دى اول مرة جيت اقولك كل سنة وانتى طيبة
وابقى زورينا وكدا هااااااااا
متطفل انا صح بس والله علشان أقولك كل سنة وانتى طيبة
الحــ ــزين
منار
مش عارف حسيت انى من زماااااان قوى مدخلتش المدونه بتاعتى وحسيت انى مقصر فى حق من هم أهم عندى
عشان كده قلت لازم أدخل وأقولك كل سنه وأنتى بخير يارب دايما وسعاده وفرح
منار أتمنى تقبلى اعتذارى على غيابى وتقصيرى الفتره اللى فاتت
دمتى بكل الخير
كل سنة وحضرتك بخير
ربنا يسعد أيامك دايما
تقبل الله منا ومنكم
بسم الله الرحمن الرحيم
تقبل الله طاعاتكم
وكل عام وانت بخير
جعله الله عيد حب وسعادة وهناء
دمتم بود
السلام عليكم ؛ ازيك يا منار يارب تكونى بخير وشهر رمضان خلانا احسن من ما كنا
عايزة اقولك مش لازم انه كل انسان بيعمل حاجةوبيخبيها يبقى هوه مش كويس او ده غلط بس هوه مممكن يكون مجرد كسوف او شيئ فى نفسه ؛ مككن بكل بساطة نسالهم همن بيعملوا كده ليه بالتاكيد حنستفيد من وجهة نظرهم او حنفيدهم بيغير فكرتهم عن الموضوع
ربنا يسعدك
إرسال تعليق